Museum Week hmang \an

Mizoram State Museum, Art & Culture Department buatsaih Museum Week chu nimin a\ang khan hman \an a ni a, tunkar Zirtawpni thleng hman a ni ang.

Museum Week chhung hian nitin chawhma dar 10:00 a\anga tlai dar 3:30 thleng mipui tan Aizawl-a State Museum chu en man awm lovin an hawng dawn a, mi zawng zawng Museum en turin an sawm a ni. Museum Week hi February thla chawlhkar tawp ah hman \hin ni mah se zirlai naupangte exam lai a nih dawn avangin sawn a ni.

Museum chi hrang hrang awm zingah Mizoram State Museum hi Multipurpose Museum niin tlawh a manhla hle a, Mizoram State Museum hi 2017-2018 sawrkar kum chhung khan tlawhtu mi 9130 an nei a, Museum en man a\angin sawrkarah Rs. 50,020/- an chhunglut a. Sawrkar kum kalmek ah mi 8211 in an tlawh tawh bawk a ni.

Mizoram State Museum-ah hian Gallery 6 (Paruk) a awm a, Mizoram State Museum hian Museum objects 3757 lai a lakhawm tawh a, heng zinga 933 te hi Show case chi hrang hrang 107-ah phochhuah a ni a. A bak zawng hi reserve collection-ah dah a ni.