Larsap hnenah CADC-a BJP leh Congress an zualko; MNF in sawrkar an siam theih thu an thlen

Chakma Autonomous District Council (CADC)-a Chairman dinglai paihthlak danah Dan kalha chetna a awm nia ngaiin Political Party pahnih- Chakma District Congress Committee leh CADC-a BJP te chuan inthlan\hat an duh thu Larsap hnenah an thlen.

CADC-a Congress leh BJP te chuan CADC-a Deputy Chairman, Durjya Dhan Chakma chu Dan lova Chairman hmunruak luaha Thlasik \hutkhawm kaihruaiah puhin, a hnua \hutkhawm vawihnihna a ko zui leh nghal chu Dan kalha chetna dik tak nia an hriat thu an sawi a. Chawngte SDO (Civil) kaltlanga Memorandum an thehluh ah hian Party pahnih te chuan CADC Deputy Chairman chu CADC |hutkhawm kaihhruai phalsak tawhlo tur te, Chairman paihthlak a nih thu a puan chu CADC CCB Rules-2002 Rules 74 (1) kalh nia an hriat thu te leh sut a nih theihna tura hma la turte, CADC-a politic boruak chi ri takin ziaawm lam a pan theihloh avangin India Danpui-a Sixth Schedule remchang lai tur tlawhchhana Mid-Term Poll buatsaih a nih theihna tura hma la turin Larsap hi an ngen a ni.

Hetihlai hian Chakma Autonomous District Council-a MNF Legislature Party hruaitu, Rasik Mohan Chakma chuan nimin khan Mizoram sawrkar-a District Council and Minority Affairs Department Secretary hnena lehkha thehlutin CADC-ah sawrkar siam tura thlawptu a ngah tawk thu leh sawrkar siam tura sawm turin a ti a. He lehkha a thehluh ah hian MNF Legislature Party Leader, Rasik Mohan Chakma chuan Chakma Autonomous District Council-ah Chief Executive Member (CEM) dinglai rintawklohna Motion chu pawm a nih tawh thu tarlangin, amah chu CEM atana ruat turin a ngen a ni. Hemi hmalam hian CADC Thlasik \hutkhawm ah hian Chairman paih thlak a nih hnuah niminpiah khan Chief Executive Member (CEM) chu rintawklohna ‘motion’ hmang bawkin paihthlak leh a ni.

Seat 20 awmna Chakma Autonomous District Council (CADC)-ah hian nikum khan inthlanna neih niin MNF chu Party mala seat la tam ber niin Seat 8 la mah se Seat 5 latu BJP leh Seat 7 latu Congress te \angdun in sawrkar an siam thung a, amaherawh chu tunhnaiah MDC \henkhat chuan MNF an zawm tak avangin MNF hian thlawptu MDC 11 an nei nia sawiin, sawrkar an siam theih thu hi an thlen ta a ni.