Latest News

Republic Day lawmna a kal tur zingah VIP leh official pawimawh chin duty ten dang dawnlo

Vawiin-a India Republic Day lo thleng tur NGO Co-Ordination Committee in boycott an tum chungchang sawihona chu nimin khan Chief Minister hovin neih a ni a, Republic Day lawmna neih tura kal tur zingah VIP leh official pawimawh chin chu duty ten an dang dawnlo na thudawn a ni.
Citizenship (Amendment) Bill duhlohna lantirna atan Joint NGOs ten Vawiin-a India Republic Day boycott an tum chungchangah hian nimin khan Chief Minister, Zoramthanga hovin Secretariat Conference Hall-ah Minister hrang hrangte leh Joint NGOs hruaitute bakah Home Department hotute an \hukhawm a. He hunah hian Chief Minister, Zoramthanga chuan NGO te leh sawrkar chuan duh thuhmun an neih thu leh amah ngei pawhin Prime Minister leh Union Home Minister bulah Mizoram sawrkarin Citizenship (Amendment) Bill a thlawp loh thu a lo thlen tawh tih a sawi a. He Meeting-ah hian sawihona \ha tak neih niin, Joint NGO te chuan Citizenship Amendment Bill an duhloh entirnan leh Rajya Sabha in a pawm loh nan Republic Day lo awm turah hian tharum tello in lungawilohna lantir an tum thu an sawi a. Sawrkar hotute chuan Joint NGO ten Republic Day boycott an duhna chu an hriatthiam pui thu sawiin, chutihrual chuan Republic Day chu ram pum tan ni pawimawh a nih angin a ni lawmna chu kalpui a \ul thu an sawi a. Aizawl Sipai Lammual-a Republic Day lawmnaa kal tur zingah VIP leh Official pawimawh chin chu duty ten an dang dawnlo tih sawrkar thuchhuah chuan a tarlang.
Hetihlai hian nimin tlai khan Mizoram Kohhran Hruaitu Committee (MKHC) te Palai-na hnuaiah Mizoram sawrkar aiawhte leh  NGO Co-ordination Committee te chuan Joint Meeting neiin inremna an siam nia thudawn a ni a. Hete inremna an siam dan chuan Republic Day-ah hian Aizawl khawpui chhungah chuan sawrkar hotu lian pawimawh zual tlemte ten programme hmangin, mipui nawlpui, School naupang lam turte leh inremna a tello zawng zawngte chu programme hmanna ah kal loh nise tiin District Level-ah chuan DC Office tual-ah DC ten Flag an pawh pharh remtih a ni a, mipui leh \awiawmtu dang tel erawh remtih a ni lo thung a. Sub-Division/Block Level-ah pawh function hman remtih ni lovin Flag erawh pawh pharh theih a ni a. Central Institution hrang hrang leh Central Govt. Office hrang hrangah pawh a hranpaa programme hman remtih a ni lo bawk.

Comments

Popular News (Last 30 Days)