MNF in LADC-ah sawrkar siam tuma hmalak tum

Lai Autonomous District Council (LADC)-a Member 7 nei mek, MNF Party chuan sawrkar thar din tumin hmalak ni se an ti.

LADC a MNF Legislature Party hruaitu, Opposition Leader, F.Rohnuna chuan Lawngtlai-a AIR palai zawhna chhangin, Mizoram-ah MNF Party in Sawrkarna a siam hnu ah LADC-ah pawh MNF kaihhruai Sawrkar thar a din ngei an beisei tih a sawi a, hmalak dan tur chu Member dangte nen sawiho thuai an tum tih a sawi a, Sawrkar thar din tur hian tun dinhmun ah MNF Legislature Party lam chu an la inhmukhawm rihlo niin Opposition Leader, F. Rohnuna chuan a sawi bawk. Lai Autonomous District Council-ah hian Member of District Council (MDC), a thlana thlan 25 awmin, Sawrkar lai, Indian National Congress (INC) chuan anmahni thlawptu Independent Member pakhat nen MDC 17 an nei mek a, MNF hian Member 8 neiin, State Assembly inthlanna neih zawh tak ah, Lungtian bial a\anga MNF MDC nilai, H. Biakzauva chu MLA atan thlantlin a ni a, H. Biakzauva hian Lungtian MDC bial hi a chhuahsan fel tawh thu MNF hruaitu lam chuan an sawi a, heti hian tun dinhmun ah LADC ah hian Elected MDC 24 an awm a, INC in Member 17 neiin MNF lamin Member 7 an nei mek a, heng MDC te bak ah hian a ruata ruat MDC pathum dang an la awm bawk a ni.