Citizenship (Amendment) Bill 2016 duhloh lantirna atana ‘Hnam Chhanna Kawngzawh’ neih a ni


Mizo Zirlai Pawl (MZP) in nimin a Mizoram hmun hrang hranga The Citizenship (Amendment) Bill  2016 duhloh lantirna atana ‘Hnam Chhanna Kawngzawh’ neih a rel angin Serchhip-ah pawh nimin khan he Bill duhloh lantir hian zirlai naupang ten Serchhip AOC Veng a\anga Bazar thlengin kawng an zawh.

Serchhip-a Hnam Chhanna Kawngzawh neih hi Serchhip AOC Veng a\anga neih niin hetah hian MZP Hqrs. Serchhip Vice President, R. Lalmalsawma kaihhruaiin hun hman a ni a, Serchhip AOC-a kawng zawh bul\anna hunah Pastor H. Lalawmpuia chuan Hunserh hmangin MZP Hqrs. Serchhip President, H. Lallawmkima leh an  pawl Adviser, T. Biakchamliana ten thu an sawi a. Hemi hnu hian kawngzawh a tel te hian Serchhip Bazar lam panin kawng hi an zawh a, kawngzawh a tel te hian Citizenship Amendment Bill, 2016 chu pass an duhloh thu uar takin an aupui a, thuziak chi hrang hrang an keng bawk a, he hunah hian mi 700 vel zetin kawng an zawh a, kawngzawh chhung hian National Highway-54 pawh danchah niin lirthei vakvel pawh a awmlo a, buaina thleng palh thei vengin Police \hahnem tak an duty bawk a ni.
Mizo Hnam Chhanna Kawngzawh hi Serchhip Bazar-ah tawpin kawngzawh kharna hunah hian MZP Hqrs. Serchhip Adviser, Kapliana Pachuau, MUP Sub-Hqrs. Serchhip President,, H. Lalliana leh Serchhip Sub-Hqrs. YMA President, R. Sanghmingthanga ten thu an sawi leh bawk a ni.
He Hnam chhanna Kawngzawh a thusawi tute hian Citizenship Amendment Bill, 2016 chu an duhloh zia te, North East mai bakah keini Zofate tan pawh he Bill hi a hlauhawm zia leh kan ram leh hnam, kan sakhua humhalh a \ul tawh zia te uar takin an sawi a. He huna kal zirlaite chu kan ram leh hnam tana theihtawp chhuaha lehkha zir turin thiam takin an fuih bawk a ni.
MZP Hqrs. Serchhip chuan thuchhuah siamin Citizenship Amendment Bill 2016 dodalna kawngzawh (Hnam chhanna Kawng-zawh) a kal zirlaite leh Serchhip mipuite chungah lawmthu an sawi a, Serchhip mipuite chu kan ram leh hnam, kan sakhua humhalh leh chhan-him turin theihtawp a ke pen zel turin an sawmin an ngen bawk.

MZP huaihawtin Aizawl-ah kawng zawh a ni :
MZP huaihawta ‘Hnam Chhanna Kawngzawh’ chu nimin khan Mizoram hmun hrang hrang ah neih a ni. Citizenship Amendment Bill, 2016 duhloh lantirna kawngzawh hi Aizawl-ah chuan Zarkawt kawn leh Khatla kawn a\angin Vanapa Hall kawt thlengin neih a ni a, Kawngzawh tawpna Vanapa Hall kawtah MZP General Hqrs. President, L. Ramdinliana Renthlei chuan thusawiin, “The Citizenship Amendment Bill, 2016 Indian Parliament a pass duhlohna lantira kawngzawh a ngai ta hi pawi ka ti hle a. The Citizenship Amendment Bill, 2016 hi do nan hian MZP chuan hma a la zel dawn a, he kan hmalakna kawngah hian Mizoram mipuite kan \anrual a, kan hmalak lehzelna turah theihtawp chhuah a min pui zel turin Mizoram mipuite MZP chuan thinlung takin a sawm nghal bawk a ni,” a ti a. The Citizenship Amendment Bill, 2016 chu Mizote tan a pawi theih bik dan leh a bikin zirlaite tan a pawi dan hrang hrang a sawi bawk.
He kawngzawh-a tel te hian Resolution 4 pass in Foreigner lakah Zoram humhim turin Zofa mipui zawng zawngte hian theihtawp an chhuah zel dawn thu te, Citizenship Amendment Bill, 2016 chu North East tan a him loh avangin India hian he Bill hi hnawl rawh se tih te, India ram in Citizenship Amendment Bill, 2016 hi a hmang a nih chuan India hian North East mipuite aiin foreigner-te a thlang zawkah kan ngai ang tih leh ‘India hian Mizofate au aw a ngaithla duhlo a nih chuan Zofate kan awm mai mai lo ang tih kan puang e,’ tih te a tel a ni.

Comments

Popular News (Last 30 Days)

LPG man bithliah thar