Latest News

Serchhip-ah District Bawrhsap hovin National Voters’ Day vawi 9-na hman a ni

National Voters Day vawi 9-na chu nimin khan rampumah hman a ni a, Serchhip-ah pawh District Election Officer, Sangchhin Chinzah hova hman niin Serchhip District chhung Assembly bial tina BLO hna thawk\ha thlanchhuah te hnenah chawimawina hlan a ni.

Serchhip DC’s Conference Hall-a National Voters’ Day puala inkhawm neih ah hian District Bawrhsap leh District Election Officer, Sangchhin Chinzah chuan India ramah National Voters’ Day chu \um 9 hmanna a nih thu sawiin, he Ni ah hian thupui thlanbik hrang hrang neih \hin a nih thu a sawi a, kumin ah pawh ‘No voter to be left behind’ (Vote thlak thei pakhatmah hmaih miah loh) tih chu thupui-ah hman a nih thu a sawi a. Democracy ramah chuan Electoral Roll chu a pawimawhin a hlu em em tih sawiin, hemi ang hian India ramah pawh khua leh tui dik tak, kum 18 tling chinte chuan Electoral Roll a inziahluh kan tum ngei tur a ni a. Khua leh tui dik takte chu kim taka Roll-a an chuan theih nan khawtlang hruaitu, tlawmngai pawl leh Political Party hrang hrang te nen \anrual a \ul thu a sawi bawk.
Khuallian hian Serchhip Electoral Roll dinhmun tlangpui tarlangin tunah hian Serchhip District chhunga Assembly bial pathum (3) awm ah Vote nei mi 49,317 an awm mek thu a sawi a, an zinga 25,061 hi hmeichhia niin a dang mi 24,256 te hi mipa an nih thu sawiin, Mipa 1000 zelah hmeichhia 1048 in vote nei ang an nih thu leh mipui zawng zawng 1000 zela 614 in vote nei ang an nih thu a sawi bawk.
He hunah hian District Election Officer, Sangchhin Chinzah hian District Contact Centre a hawng nghal a. District Contact Centre-ah hian Phone Number 1950 dah niin hetah hian Electoral Roll leh a kaihhnawih bakah inthlanpui leh a kaihhnawih chi hrang hrang phone hmangin a zawhfiah theih a. A call man (fee) hi a thlawn a ni anga. Service Providers hrang hrang a\angin biakpawh theih tura ruahman a ni.
Nimin a he hun hmanna ah hian kum 2018 chhunga Serchhip District chhung Assembly Constituency pathum (3)-a Booth Level Officer (BLO) thawk \ha ber thlanchhuah te hnenah Bawrhsap hian lawmman a hlan nghal bawk a. Serchhip District chhungah hian Polling Station 77 awmin heng Polling Station tinah hian BLO hi an awm \heuh a. Nimin a BLO hna thawk \ha lawmman dawngtute hi 26-Serchhip A/C-ah R. Lalkhumliana, Thenzawl-VI BLO, 27-Tuikum A/C-ah H. Vanlalsiama, Chhiahtlang-V BLO leh 28-Hrangturzo A/C-ah Lalhunliana, Sialsir BLO te an ni.
Serchhip-a National Voters’ Day hmanna ah hian John Lalnunmawia, LDC chuan Election Commission of India in Systematic Voters Education & Electoral Participation (SVEEP) kalpui dan a duan chhuah zinga pakhat ‘Voters Awareness Forum’ chungchang zirtirna a pe a. Voters Awareness Forum (VAF) hi sawrkar Office tinah din tura tih niin Voters te tihchakna hna ‘Empowered Voters’ anmahni pisa \heuh ah an thawk dawn a ni.
He huna tel te hian Lalduhzuali, Settlement Officer kaihhruaina in Voters Day thutiam an chhamrual a, he hun kaihruaitu, Lalvenhima, Election Officer chuan mipui ten awlsam zawka an Vote neihna hmun leh Vote an thlakna turte awlsam taka an hriat theihna turin Voters Helpline leh Mobile Apps te tlangzarh a nih tawh thu a sawi a, heng te hi Smart Phone nei te chuan awlsam taka an download theih thu leh \angkai taka hman theih a nih thu a sawi bawk.
Nimin a he hun hmanna ah hian Serchhip SP, R. Sathiyasundaram, IPS leh District Officers te, khawtlang hruaitu, tlawmngai pawl leh chanchinbumite leh zirlai naupang te an tel a ni. National Voters Day hi kum 2011 a\ang khan India rampum ah hman \an a ni.

Comments

Popular News (Last 30 Days)