Latest News

'MNF sawrkar tharah SEDP-a tello danglamna in hmu zeuh zeuh ang' - Dr.R.Lalthangliana

MNF Vice President leh Health Minister, Dr. R. Lalthangliana chuan, “MNF sawrkar tharah hi chuan SEDP-a ziahlan loh danglamna a khat tawkin in hmu zeuh zeuh dawn a ni. Chini pawh ration-a sem thar leh a ni ang,” a ti.
Nimin a MNF Party Chhung Inkhawm Aizawl Mizo Hnam Run-a neih ah thu sawiin Dr. R. Lalthangliana chuan Thla khat vel chauh an la sawrkar thu leh hemi chhung chauh pawh hian Pathian zarah hna tam tak an thawk hman tih a sawi a, “Sawrkar tuk tuk lehah Cabinet Meeting neiin sawrkar Zzu zawrh kan titawp nghal a. Hman ni lawka Cabinet Meeting-ah Blood Processing Fee lak kan titawp nghal a, Health Minister ka nihna anga ka ngenna angin Hnam Run ngeiah kan \halaiten thisen an pe kha ka lawm hle bawk. Kan soawrkar hmasaah khan hna tam tak kan thawk a, kan zawh hman loh kha Congress sawrkar kum 10 chhungin an chhunzawm lo a, PMGSY hnuaiah thingtlang khaw In 250 awmna chin chu Motor kawng kan lai chhuak hman vek a, khang kan la zawh hman lohte kha kan chhunzawm zel ang. Tun a\angin hmun tam takah kawng thar leh black topping hna kan chhunzawm nghal tluk tluk a ni,” a ti.
Dr. R. Lalthangliana chuan MNF sawrkar hmasa in an tihchhuah, sawrkar hnathawk awm ve lohna chhungkaw tan Health Care Scheme changtlung zawk pawh SEDP-ah telh sa a ni tih sawiin, \ha takin an duang leh mek tih a sawi a. “Decentralisation of Power \ha taka kalpui turin kan inruahman mek a ni. Kan sawrkar hmasa ah SSA teacher 1000 tel kan la. Hindi teacher kan lakte kha Vawiin-ah an dinhmun a chhe lutuk a, an kalzelna turah thawh chhunzawm tur tam tak kan nei. Congress sawrkar kha chuan Hindi zirtirtu sang tel kan lak leh anmahni lak ngei 1300 vel an ban a, chhunzawm leh tih tur kan ngah hle a ni,” a ti.
MNF Vice President, Dr. R. Lalthangliana chuan SEDP chu NLUP nena khaikhin chi a ni lo tih sawiin, “Sawrkar department zawng zawng deuhthaw a huam a. NLUP anga hlawhtlinpui loh sawi kha a awm ve thei lo ang. |halai lehkhathiam thawh tur neilo tam takte tan pawh ruahmanna kan siam a ni. Aizawl-ah pawh mirethei tam tak kan awm a, chungte tan pawh chuan eizawnna tlak hna thawhtir kan tum a ni. MNF sawrkar tharah hi chuan SEDP-a ziahlan loh danglamna a khat tawkin in hmu zeuh zeuh dawn a. Chini pawh ration-a sem thar leh a ni ang,” a ti a. “MNF hian budget tangka ama ruahmanna tak tak tur chu April thla hnuah kan hmang thei dawn chauh a, tunah chuan sawrkar pawisa hlui kha kan la hmang naw naw chauh a ni,” tiin thla hnih thum hnuah lo chuan thil tak tak a la tih theih loh ang tih a sawi bawk.

Comments

Popular News (Last 30 Days)