New Delhi-ah Chief Minister a zin mek

/
Chief Minister, Zoramthanga chu sawrkar thil pawimawh buaipui tura New Delhi-ah zin mekin niminpiah tlai khan Prime Minister nen an inkawm a, nimin tlai khan Home Minister a kawm leh bawk.
Mizoram Chief Minister, Zoramthanga hian niminpiah tlai khan Prime Minister, Narendra Modi chu a chenna In ah hmuin, thu pawimawh hrang hrang a thlen a. Chief Minister chuan Prime Minister hnenah hian Citizenship (Amendment) Bill 2016 chu Mizoram sawrkar leh Mizo mipuiten an duh loh thu te, Mau/Bamboo Project chungchanga hmalak dan tur te, Mizoram tana All India Services Cadre hrang neih chungchang te leh thu pawimawh dangte a thlen a. Jet Airways in February ni 10 a\anga an flight tihtawp an tum chungchangah sawrkar laipui chuan hma an lak a \ul thu Prime Minister hi a hrilh bawk.
Chief Minister, Zoramthanga hian nimin khan Union Home Minister, Rajnath Singh chu kawm lehin thil pawimawh hrang hrang a sawipui a, heng zingah hian Mizoram tan All India Service Seperate Cadre neih dan tur leh Assam Rifles te Zokhawsang-a sawn tur chungchang te a tel a ni. Chief Minister hian nimin vek khan National Disaster Management Authority tlawhin Member ten kokim takin an lo dawngsawng a. Hunthar Veng leitlahniam lai siam\hat hna rang taka thawh a nih theih nan a hmunah Expert Team kar khat chhunga lokal a, hnathawh dan tur tifel tur ruahman a ni a, Mizoram hmun hlauhawm dang siamthat dante pawh an sawi nghal a ni. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »