MNF |halai ten thisen pe

Mizo National Youth Front (MNYF) Hqrs. chuan nimin khan damlo a mamawh apiangte hman turin Thisen Unit 73 an pe.

MNYF in Aizawl Mizo Hnam Run-a thisen pekna hun an buatsaih hi Health Minister, Dr. R. Lalthangliana chuan hmanpuiin MNF |halaiin thisen an pe chu lawm-awm a tih thu sawiin, "Sawrkarin thisen Processing Fee a titawp hi damlo harsa mangangte tan a \ha hlein ka hria a. Chumi piah lamah vawiin a kan \halai te'n kan taksa a\anga chhuak ngei thisen kan han pe chhuak hi MNF tan pawh thil pawimawh tak a ni,” a ti a. Blood Donation lam buaipuitu Association te nen an inkawm tawh thu pawh sawiin, “Anni hian \hahnemngai takin beihpui an thlak a, an \angkai em em a, theihtawp chhuah zel an tum bawk a, Mizoram hmun dang dangah te pawh hma an lak zui zel ka beisei a ni,” tiin hetianga damlo mangangte hmangaihna nena thisen pe duh an awm a nih chuan Kohhran angin emaw, \halai leh NGO angin emaw, mimal ang pawhin pe zel turin a ngen bawk.

Nimin a MNF |halai ten thisen an pek hunah hian mipa 67 leh hmeichhia 6, an vaiin mi 73 ten thisen an pe a, he hun hi MNF hruaitu leh MLA \henkhat ten an telpui bawk a ni.