Larsap in Lawngtlai tlawh

Mizoram Larsap, Kummanam Rajasekha-ran chuan nimin khan lehlangin Lawngtlai District a tlawh a, Lawngtlai DC leh sawrkar mi pawimawh ten an lo dawngsawng.
Larsap hian nimin zing dar 9:10 khan Helicopter hmanga Lawngtlai thlengin LADC Complex-a amah lawmna inkhawm buatsaihah Larsap chuan May ni 29, 2018-a Mizoram Governor-a a \hut a\angin Mizorama Autonomous District Council (ADC) pathumte tlawh vek a duh thu a sawi \hin thu leh tuna a \umkhat nan Lawngtlai a tlawh thei chu lawmawm a tih thu a sawi a. Lawngtlai District chu Mizoram mai ni lo, India ram pumpui tan pawh district pawimawh tak niin, India hmar-chhaka sumdawnna hmel thlak danglam dawrh tur Kaladan Multi Modal Transit Transport Project (KMMTP) kawngpui sial mekin a pal-tlang District a nih bakah, India, Myanmar leh Bangladesh te ramri intawhkhawmna hmun a nih bawk avangin Lawngtlai District leh a chhunga chengte chuan state leh rampum hma hun atan mawhphurhna pawimawh tak an nei a ni, a ti.
India ram Danpuiin Sixth Schedule hnuaia Governor mawhphurhna a pek angin, Lawngtlai a tlawh hmasak berah Lai Autonomous District Council (LADC) hna thawh lama a insawr bing deuh thu sawiin Larsap chuan, LADC a tlawh chuan a huamchhung tih hmasawnna atana LADC in mawhphurhna a neihte a hriat thar tir a, \an a pek ngei a beisei thu a sawi a. Hnam ziarang leh thil hlu vawn \hat kawngah Lai hnam chu an harh \ha hlea a hriat thu sawiin, chu hnam ropui zia chu chhawm nung zel turin a chah bawk.
Hemi hnu hian Larsap chuan LADC Complex-ah Finance and Account Office building thar sakna tur lungphum phumin, Mizoram state thing 'Herhse' a phun nghal a. CEM Conference Hall-ah LADC-a Executive Member-te leh Department hotute a kawm nghal bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result