Latest News

MSU in hmlak zui zel tum

Mizo Students’ Union (MSU) chuan Mizo-ram chhunga dan lova khaw din awm hrang hrangte chu tihtawp anih theih nan nasa zawk a hmalak nise an ti.
MSU General Hqrs. hian nimin khan Aizawl-a an Office, Zirlaite Rûn-ah Executive Meeting neiin hemi chungchang hi an ngaihtuah a. Dan lova Chakma awmkhawmna Tuichawng VC area, Tuichawngchhuah hmun a kum 2016-a School building a kan avanga High Court case kal mek chu tihtawp vat a nih theih nan chak zawka Sawrkar nawr nise a ti a. Dan lo a khawdin awm zawng zawng chu arang lama Sawrkar mi leh sa te nen a hmun ngeia tlawh chhuah vek nise tiin, heng dan lova khaw din hrang hranga mi chengte pawh India khua leh tui an ni ngei em tih enfiah nan Birth Certificate Physical Verification neih ngei nise an duh tih an sawi a. Dan lova khawdin tihtawp anih theih nan heng khua a sawrkar kutthlakna awm zawng zawng tihtawp a nih theih nan leh project siamtu leh implement tu sawrkar hnathawk te pawh zawn chhuah a nih theih nan na zawka sawrkar nawr nise a ti bawk.
MSU General Hqrs. President, Vanlal-liana Khiangte kaihhruai MSU Executive Meeting chuan School \an hun atana kan hman mek chu \ha ti lovin, hman anih hma leh hman a nih hnu thleng pawhin an dodal reng tih an sawi a. National Curriculum Framework 2005 Chapter 4.7 in a sawi anga ‘School \an hun atan chuan Local Convenience anga school thuneitute remchan dan a zir zel nise’ tih chu hman leh ngei a nih theih nan chak taka hmalak chhunzawm zel nise tiin, Chief Minister leh Education Minister-in MSU hruaitute bula an lo sawi tawh angin zirlaite ngenna avanga sawrkar policy a dah a lo nih tawh angin, Academic Session 2019-2020 a hman hman ngei anih theih nan hmalak an tum thu an sawi chu \ha an tih thu an sawi a, a hlawhtlin ngei theih nan sawrkar chu nawr chhunzawm zel nise an ti bawk.

Comments

Popular News (Last 30 Days)