MPCC Executive in an President an la ring tawk

MPCC Executive Meeting chuan an President, Lal Thanhawla kaihhruaina an rintawk thu sawiin, Ama hovin intuaitharna, insiam tharna leh inhlan tharna nen kan ram leh hnam leh Sakhua him nan thawh zel nise an ti.
Kumin atana Mizoram Pradesh Congress Committee (MPCC) Executive Meeting hmasa ber nimin a neih chuan he thu hi Resolution siamin an pass a, MPCC Executive Meeting chuan kum 2018 MLA General Election chu thlirletna neiin Mizoram mipuite kuthlakna chu lawm takin Pathian remruatah an pawm thu leh Election hmarua, EVM leh a thawktute chungchang engmah sawisel an nei lo chauh ni lovin, inthlanna thianghlim leh felfai kan neih theih nana thawktute chungah lawmthu an sawi a. Congress Official Candidate te vote hlu tak petu zawng zawngte hnenah lawmthu sawiin, Congress MLA te ram tana an hnathawhna turah duhsakna leh lawmpuina a hlan a. Sawrkar thar lo piang pawh an lawmpui thu leh ram leh hnam tana thil \ha an tihnaah theihtawpa \anpuia (constructive opposition), thlawp an tum thu leh Ram leh hnam tan leh Sakhaw tan pawi an khawih chuan huaisen takin a tawp thlengin a dodal dawn thu an sawi bawk.
Hei bakah hian MPCC chuan Congress Sawrkar in a hmasawnna hna chi hrang hrang atana Work Order alo tihchhuah tawh leh NLUP pek tawh te harsatna tawk an awm anih chuan hma an lakpui dawn tih sawiin, harsatna nei chuan MPCC Hqrs. Congress Bhavan-ah hriattir tur a nih thu an sawi a. BJP Sawrkarin Sakhaw dangte harsatna tura a Bill siam, Citizenship Ammenmend Bill 2016 chu a rik tirh a\angin an lo do tawh tih sawiin, kan ram leh hnam leh kan Sakhaw tana him lo Bill hi theihtawpin an do zel dawn tih an sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result