Assembly House-ah Opposition Leader awm dawnlo

Mizoram Legislative Assembly din tharah eptu party chu MLA 13 lai thlang tling mah se dan ang taka Leader of Opposition an awm thei dawn lo.

Assembly Secretariat thawktute hnen a\anga thu a dawn danin Mizoram Legislative Assembly inthlanpui neih zawh takah khan Seat 40 awmah MNF-in seat 27, ZPM-in seat 8 (seat 1 a ruah tak avangin tun dinhmunah seat 7), Congress-in seat 4 leh BJP-in seat 1 an la a. Eptu party hi an vaiin 13/12 an ni a, Legislature pakhat ni se chuan danin a phut MLA hmun li-a \hena hmun khat (4/1) an tling phak a; mahse, Legislature party hrang hrang an nih avangin hmun khata an inhlawmkhawm a nih loh chuan dan ang taka Leader of Opposition nihna chu eptu hruaitu hi pek theih a ni dawn lo a ni. Tun dinhmuna eptu hruaitu tura ngaih, Serchhip bial a\anga ZPM ticket-a thlantlin, Lalduhoma chu Leader of Opposition ni lovin Opposition Group Leader a ni ang.

Leader of Opposition hi Cabinet Minister rank niin hlawh leh ham\hatna dang pawh Cabinet Minister dawn ang an dawng vek a ni.

Assembly Secretariat thawktute chuan Assembly House-a MLA-te \hutna tur chu tun thla chhung hian tihfel hman an tum tih an sawi a. MLA-te \hutna tur chu party-ten an ruahman \hin nia sawiin, thutawp erawh Speaker thu a ni tih an sawi bawk. Session chawlh laia MLA-te awmna/chawlh hahdamna tur pawh an tifel tawh niin Assembly Secretariat thawktute chuan an sawi a. Ruahmanna an siam dan chuan ZPM MLA-te chu Recess Room ‘A’-ah an chawl ang a, Congress MLA-te chu Recess Room ‘B’-ah an chawl ang a, BJP MLA chu Common Recess Room-ah a chawl thei ang. BJP MLA room an pek theih loh chhan chu dan anga Legislature party din tham an awm loh vang niin an sawi.