District Immunization Task Force Committee in Zeng hri danna pek beihpui thlak dan tur sawiho

Serchhip District Immunization Task Force Committee chu nimin khan District Bawrhsap Pisa-ah \hukhawmin National Immunization Day hman dan tur an sawiho.

Serchhip District Bawrhsap mawhphurhna la mektu Chuauhnuna, Addl. DC kaihhruaia Serchhip District Immunization Task Force Committee \hutkhawm ah hian thla thar Feb. 5-a India rama Zenghri Umbo beihpuithlakna Ni, National Immunization Day hman dan tur chungchang sawiho a ni a, he hunah hian Addl. DC, Chuauhnuna chuan Zeng hri danna chu a la tur ten kim taka an lak theihna turin khaw tina hriselna lama thawktu leh khawtlang hruaitute thawhpuina ngenin, anmahni khua leh Veng \heuh ah Zeng hri danna (IPPI Vaccine) la tur ten an lak ngei theih nan thawktute lo \anpui tur leh mipui ten lo ngai pawimawh se a duh thu a sawi bawk.

He hunah hian Dr. Lalhlunpuii, Immunization Officer chuan IPPI Vaccine beihpui thlak dan tur a ruahmanna siamsa te report in sawiho ngaite an sawiho a ni a. Dr. Lalhlimpuii, Surveilance Medical Officer, World Health Organisation (WHO) hnen a\angin kan \henawm ram- Myanmar leh Pakistan ramah Zeng hri hi a la awm thu leh heng \henawm ramte nen a kan intlawhpawh reng \hin avangin Zeng hri (Polio) natna inkaichhawn awlsam tak hi kan ramah rawn lut thei reng a nih thu te leh hun engemaw chen chu he hri danna hi inpek zui reng a ngaih thute ngaihthlak a ni bawk.

Serchhip District chhunga Zeng hri danna pek beihpui thlak turah hian khua leh Veng tina Accredited Social Health Activist (ASHA) leh hriselna lama thawktu Health Worker te chu ruat niin, anni hian thla thar February ni 5 khian Serchhip District Hospital-a Main Centre/Booth-ah leh District chhunga Anganwadi Centre leh Sub-Centre hrang hranga Booth hrang hrangah te hri danna pek beihpui an thlak ang.

Nimin-a Serchhip District Immunization Task Force Committee \hutkhawm ah hian Rulhut leh a kaihhnawihin natna hrang hrang a thlen theih te laka invenna ni, National Deworming Day thla thar Feb. 8-a hmandan tur leh hemi atana \ul leh pawimawh hrang hrangte sawiho nghal niin, Education Department leh Social Welfare lamte nena thawhho dan tur te bakah, Ministry of Health & Family Welfare lamin Operational Guidelines an lo siam anga he Vaccine pek hi kalpui dan turte sawiho a ni bawk.