Serchhip District Official Website siam thar 'https://serchhip.nic.in' chu tlangzarh a ni ta

Serchhip District Official Website siam thar 'https://serchhip.nic.in' chu nimin khan Serchhip District Bawrhsap, Sangchhin Chinzah chuan a duh apiangte hman theih turin a Pisa-ah a tlangzarh.
Nimin-a Serchhip District Official Website tlangzarhna hunah hian District Bawrhsap, Sangchhin Chinzah chuan hetianga hmasawnna rahbi pawimawh chhawpchhuah a lo ni ta chu lawmawm a tih thu sawiin, District Website chu buatsaih anihna ang taka \angkai taka hman anih ngei a beisei thu a sawi a. He Website hi a bul\anna chauh a la nih thu leh hmabak tam tak a la awm thu sawiin, District Website \ha leh changtlung neih chhoh zelna tur atan Serchhip mipuite, sawrkar Department hrang hrangte leh NGO-te thawhpuiah a sawm nghal bawk.
Nimin a Serchhip District Website thar tlangzarhna hunah hian District Informatic Officer, Lalruatmawia Zadeng chuan report pein he website hi nikum August ni 28 khan tlawh theih tura peihfel ni tawh mahse inthlan boruak avangin tunah hian tlangzarh a ni ta chauh tih a sawi a. He website (https://serchhip.nic.in) puitlin anih theih nan hian District Bawrhsap leh a thawhpuite bakah Department hrang hrangten \hahnem ngai taka an \awiawm thu sawiin, Serchip District Website chu National Informatics Centre (NIC) ten S3WaaS project hnuaiah GIGW (Guidelines for Indian Government Websites) mil thlapa standard sang tak neia an buatsaih thu leh ‘Bilingual Website’, English leh Mizo \awng inkawp a engkim buatsaih anih thu a tarlang bawk.
Serchhip District Website thar hi hmanraw hrang hrang - Computer, Tablet, Mobile phone-te hmanga awlsam leh remchang taka hman anih theihnan Responsive Website tih vek niin pianphunga rualbanlo - Mitdel te pawhin an hman theih nan Screen Reader a support a, Mit fiahlo te tan pawh hawrawp (font) leh screen color-contrast adjust vek theih tura duan a ni a, Serchhip Distrct website tharah hian District chanchin pawimawh hrang hrangte chhawpchhuah niin, a duh apiangte tan en theh niin hemi kawngah hian NIC te chuan hma an la chhunzawm zel dawn a, District dangah pawh hmalak mek a ni bawk.

Comments

Popular posts from this blog

PAN CARD an tih teh fo hi - Laldinpuia