Latest News

Serchhip-ah CMC Grassroot Badminton Tournament kharna leh Champion lawmna neih a ni

Naupang ten Badminton lama hma an sawn theihna tura Grassroot Badminton kalpui mek, Serchhip Central Management Committee (CMC) Grassroot Badminton Tournament kharna leh Mizoram puma Grassroot Badminton Tournament-a Serchhip in lawmman pakhatna an lak lawmna chu Inrinni khan neih a ni.
Serchhip CMC Grassroot Badminton Tournament kharna leh Mizoram Grassroot Badminton Tournament-a Serchhip Champion lawmna hi Serchhip Indoor Stadium-ah neih niin Serchhip CMC Member, R. Laldinsanga chuan kaihruaiin Sangliana Hnamte, Member, Serchhip CMC chuan naupangte fuihna thu a sawi a, he Grassroot Academy-a kal zirlaite chu thu awih tur te leh anmahni kaihruaitute thu awih turin a chah bawk.
He hunah hian Laltlanfela, Manager, Mizoram Grassroot Bamdinton Tournament-2018 chuan nikum December 11-13 chhunga Mizoram Grassroot Badminton Tournament neih chungchang report pein he Tournament hi Aizawl-ah khelh niin Category 8-ah inelna neih a ni a, Serchhip Grassroot Academy hian Gold Medal 2 leh Silver Medal 2 lain Mizoram-a Grassroot Academy te zingah pakhatna an ni a, heta pakhatna an nih hi tun \umah hian a lawmna an neih thu a sawi a. Hei bakah hian tun thla ni 15 a\ang khan Serchhip Academy-a naupangte tan Tournament an buatsaih thu pawh sawiin, Category 8-ah inelna neiin heng Category hrang hrangah hian naupang 62 ten ineln an neih thu a sawi bawk.
He hunah hian Vanlalhruaia, Secretary, Serchhip CMC chuan he Grassroot Academy an kalpui dna report pein Mizoram sawrkar, Tata Trust, Mizoram Badminton Association leh Gopichand Badminton Academy te thawhhona anga he Academy hi kalpui a nih thu a sawi a. He Academy hi kalpui zel tur a nih thu leh Batch khat-ah naupang 60 aia tamlo awm tura tih niin Serchhip-a a Batch hmasa berah hian naupang 50 an awm thu leh heng mite hi Coach 2 in an enkawl mek thu a sawi a. He Academy kalpui tur hian Serchhip District Badminton Association chuan Central Management Committee (CMC) dinin heng mite hian an enkawl mek thu a sawi a. Batch khat hi kum 3 chhung kalpui tura ruahman niin tunah hian a Batch hmasa ber chuan kum khatna zovin kumin April thla a\ang khian a Batch hnihna kalpui a nih leh dawn thu a sawi a. Khawvel huap pawha Badminton Academy lar, Gopichand Badminton Academy te nen \angtlanga kalpui a nih angin anni lam pawh hian Coaching kalpui dan hi a khat tawka an rawn endik \hin thu leh helai hmuna a enkawltute pawhin thla tin report an thehluh \hin thu a sawi a. He Academy-a Coach te lawmman leh an zirtirna tura hmanraw pawimawh te pawh an rawn tum sak thu a sawi bawk.

Comments

Popular News (Last 30 Days)