Serchhip-ah World Anti-Leprosy Day hmangin SPARSH Leprosy Awareness Campaign hawn a ni


Nimin January 30, 2019 khan Serchhip-ah World Anti-Leprosy Day hmangin Phar natna chungchang zirhona neih a ni a. He hunah hian Phar natna vei te enkawlna dan thar, SPARSH Leprosy Awareness Campaign (SLAC) hawnna neih nghal a ni bawk.

Serchhip CMO Conference Hall-a World Anti-Leprosy Day puala inkhawm hi Serchhip Chief Medical Officer (CMO), Dr. Laldawngliana Sailo chuan kaihruaiin tunhma lamin Phar natna chu awlsam taka inkaichhawn theih leh a vei te pawh hmundang a dah tura ngaihdan awm ang chu a diklo tih sawiin, Phar natna chu inkaichhawn theih ni mah se awlsam taka inkaichhawn theih a ni lo tih a sawi a. Mizoram-ah Phar natna vei hmuhchhuah awm meuh tawhlo mah se Mizoram khawthlang lam leh ramri hnaih lamah te he natna vei hmuhchhuah an awm ve leh zeuh \hin avangin a umbo tura \anlak zel chu a \ul thu a sawi a. He hri umbo tur hian India rampumah \anlak a nih dawn thu leh chumi atan hian SPARSH, Special Project for Rehabilitation & Strengthening of Handicapped chu kalpui a nih dawn thu a sawi a. SPARSH Campaign hi thla thar Feb. 1 a\anga \anin kumin October ni 2 thlenga kalpui tura ruahman a nih thu a sawi bawk.
He hunah hian Dr. Samuel-a, District Hospital, Serchhip chuan Phar natna chungchangah kalkhawmte zirtirna a lem nen pein Phar natna chu kum tam tak kaltawh ah lo awm tawh mah se kum 1873-ah Phar natna thlentu natna hrik chu hmuhchhuah chauh a nih thu a sawi a. He natna hi inkaichhawn theih niin a vei enkawlna dawnglo te a\ang inkaichhawnna a tam ber thu leh a vei te pawhin kum 2 a\anga 20-ah a lan-chhuah chauh thu sawiin, hetianga thawk muang a nih avang hian a invenna pawh siamchhuah theih a nih loh thu a sawi a. Hriatna thazam leh Vun-ah he hri hi a awm ber thu sawiin, inthlah-chhawn theih natna a nih loh thu leh \ha taka enkawl a nih chuan tihdam theih a nih thu a sawi bawk.
Nimin a he hun hmanna ah hian Ser-chhip Kawnpui Unit MUP member leh thuthar thehdarhtute telin he natna chungchanga hriat tur pawimawh hrang hrang inzawhfiahna neih a ni bawk.

Comments

Popular posts from this blog

PAN CARD an tih teh fo hi - Laldinpuia