Mizoram-a Bonded Warehouse leh Wineshop neitu ten High Court-ah Mizoram sawrkar khin an tum

Mizoram-a Zu khuahkhirhna Dan hman mek, MLPC Act, 2014 hnuaia zu dahkhawmna (Bonded Warehouse) leh Zu hralhna dawr (Wineshop) neitute chuan sawrkar tharin Zu hralh phal loh ni a puan rei lutuk chungchangah High Court-ah zualko an tum.

MNF sawrkar lo dingin Mizoram-a Zu khap bur a tumna-ah December ni 21, 2018 a\anga January ni 14, 2019 thleng Zu in leh hralh chhuah khap hun, Dry Day a puan chu tunhnai khan March ni 10 thleng chhunzawm turin hriattirna chhuah chhunzawm a ni a. Hetianga sawrkarin a tih avang hian Bonded Warehouse neitute leh Wineshop neitute chuan pawisa tam tak an hloh nitin niin an sawi a. Tunah hian Zu hi la hralhchhuah theih loh cheng vbc. 40 chuang man hu a la awm ni a sawiin, an chah sa kawnglak ah Truck tam tak a lo la kal reng niin an sawi bawk. An sumdawnna hi Dan kalha Zu lalut ni lovin Dan ang thlapa sumdawng an ni a, chuti chunga Dan thar pawh siam si lo leh an Zu kawl sa tihral dan tur ruahman sak si lova Zu hralh khapsak an ni chu hrethiam lovin naktuk, Thawhlehni hian Gauhati High Court Aizawl Bench-a khin an tum ta niin an sawi a. He an harsatna te hi Chief Minister leh Excise and Narcotics Minister te an hmuh hnu-ah an hnen a\anga thu lawmawm an hmuh loh avangin Zourt-a kal hi an titlu ta niin an sawi a ni.

Zu zawrhna dawr neitute leh Bonded Warehouse neitute chuan Zu an zawrhna ah hian License Fee cheng nuai tam tak pe sa vek leh Chhiah pawh chawi sa an nih thu an sawi a. An sumdawnna a tawp hian \halai 300 chuangin hna thawh tur an nei lo ve nghal niin an sawi a. In luah man leh Electric Bill chena an la pek reng avangin hetianga hralh khap sak an nih avang hian pawisa tam tak an hloh tawh a, an la hloh zel niin an sawi a. Sawrkar Ni pawimawh bik leh Kut Ni te ni lem lova Dry Day rei tak puan hi Dan tlawhchhan tur mumal nei lova thiltih ni a an ngaih thu an sawi bawk.

Mizoram-a Zu khuahkhirhna Dan, MLPC Act hnuaiah hian Bonded Warehouse hi pathum - RTP, SS leh Rafael te a awm a. Excise department lamin an kawngkapui hi khar sak mahse Dan anga Zu an chah a lo thlen reng avangin a neitute leh Excise hnathawkte'n an hawng a, Zu an dahluh zawh hnuah kharin Tala pawh an char leh zel a. Sawrkarin Zu lakluh phalna a lo pek tawh chin chu a lo la lut zel a, mahse hralhchhuah khap a nih avangin an dah ringawt mai a. Hralh chhuah khap a nih avang hian sum tam tak an hloh niin an sawi a ni.