IHM Aizawl tih puitlin a ni dawn tih sawi

Tourism Minister, Robert Romawia Royte chuan Aizawl-a Institute of Hotel Management (IHM) tih puitlin a nih dawn thu a sawi.

New Delhi-a cham mek Tourism Minister, Robert Romawia Royte hian niminpiah khan Ministry of Tourism-a Secretary, Yogendra Tripathi chu kawmin kum 10 zet kaltaa Institute of Hotel Management (IHM) Aizawl Bungbangla-a a building sak tawh chu kum 10 kalta chhung khan chhunzawm a ni lova, Mizoram tan leh India ram pum huap pawha Zirna In pawimawh anih avangin MNF Sawrkar tharin a ngaipawimawh tih hrilhin a furniture leh equipments leina tur cheng nuai 200 a dil a, Union Secretary leh Economic Adviser te chuan Insitute of Hotel Management chu rampum tan a pawimawh avangin cheng nuai 200 chu an release thuai tur thu Tourism Minister chu an hrilh nghal tih sawrkar thuchhuah chuan a tarlang.

Institute of Hotel Management (IHM) Aizawl-ah hian zirlai 100 tan Hotel Management Degree course a zir theih dawn bakah Zirlai 150 tan Tourism Diploma Course a zir theih bawk anga. He Institute hi National Council For Hotel Management and Catering Technology vilna hnuaia enkawl tur a ni a, Common Entrance Test hmangin Degree Course zirtur tan admission a tihtheih dawn a ni. He Institute hi kum 10 zet ngaihthah alo nih tawh avangin Central Sawrkara Tourism Ministry hotute chuan July 2019-a Course \an hman tur pawha hmanhmawh taka hmalakpui an inhuam thu Minister chu an lo hrilh a ni.

Hei bakah hian Tourism Minister, Robert Romawia Roytea rawtna angin Mizoram College thlanbikah Tourism Course zir theihna tura \anpuina (financial assistance) pek chu Tourism Ministry chuan a thuphungin an remti bawk tih sawrkar thuchhuah chuan a tarlang a. Tourism Minister hian Project Proposal 2 dang Union Tourism Secretary hnenah thehlutin naktuk-ah Union Tourism Minister nen an sawidun leh ang.