Zu khapna Dan ngaihtuah a \ul

Zu khapna Dan ngaihtuah a \ul

Mizoram-a MNF sawrkar thar chuan a lo sawi tawh angin Zu zawrh titawp turin hma a la chho mek niin a lang a. Nikum lama Kris-mas dawn a\anga Dry Day alo puan tawh chu a tawp dawn hnaiah pawhsei a nih leh tur thu a puang tawh a. Hetianga kan sawrkar in alo sawi tawh anga Dan hnuaia Zu zawrh titawp tura hma a la hi thil lawmawm tak mai a ni a, chutihrual chuan tuna kan Dan hman mek hnuaia Dry Day puan a nih laia Zu khapna chungchanga hma kan lak dan erawhin ngaih-tuah a ti thui nghal hle awm e.

Kan hriat angin kum 1995 vel a\ang khan Mizoram-ah MLTP Act hmangin Zu hi khap bur a ni a, amaherawh chu chhan hrang hrang avangin kum 20 hnu velah Zu chu khuah-khirhna hnuaiah zawrh a ni a. Hei hi mi tam tak chuan sawiselin Congress sawrkar tlak chhan ah pawh khan thui tak a innghat in a rinawm a. Tunah kan sawrkar thar in Dan hnuaia Zu zawrh chu tihtawp tumin hma a la ve leh a, amaherawh chu Zu hi khap rem tumna tak tak kan nei em tih erawh ngaihtuahna ah a lut lo theilo a, a hminga Zu khapna Dan hman ngawt hi thil fello tak ni zawkin a lang.

Tuna MLPC Act kan hman mekah hian ‘Dry Day’ puan theihna hi a awm a, he Dan hmang hian Dry Day pawh puan mek ni mah se Wineshop a\anga Zu lei theih a nihlohna bak Zu khap chungchanga danglamna a awmin a lang lo a, Zu chi hrang hrang Dan lova zuar pawh an tam hle reng niin a lang a. Hei hian ‘Zu hi khap rem kan tum tak tak em?’ tih hi ngaihtuahna a siam lo theilo a ni. Kum 20 zet Zu khap burna Dan kan hman tawh kha a hlawh-tlin tawkloh zia kan la hre \heuhin a rinawm, chuvangin Zu hi khap kan duh a nih chuan khap rem \hak tumin hma lak zawk a hun tawh a ni.