Serchhip bialtu MLA in inenhranna awm lova Bial tana hnathawh a duh thu a sawi

Serchhip bialtu MLA, Lalduhoma chuan Serchhip bial-a amah Vote ve lo te tan pawh bialtu MLA a nih thu sawiin, inenhranna awm lova hnathawh tlan a duh thu a sawi.
MLA inthlanpui neih zawh taka Serchhip bial a\anga MLA atana thlantlin, Lalduhoma chuan tun thla ni 3 a\ang khan Serchhip bial fangin lawmthu sawina hun a hmang a, Serchhip Bazar-a tun thla ni 3-a Serchhip District ZPM Steering Committee buatsaih ‘Bial mipuite hnena lawmthu sawina inkhawm’ ah thu sawiin Lalduhoma chuan Campaign-na hun tlemte ah sum leh pai pawh nei mang lova hma an la chunga Pathian zara hlawhtlinna an chang chu lawmawm a tih tih thu sawiin, Pathian chungah lawmthu a sawi a, hei bakah hian an tlin theihna tura beitu Campaigners leh an chhungte leh \awng\ai saktu leh lawmpuitute chungah pawmthu a sawi a. Inthlanna ah Party mal Ticket-a thlantlin ni mah se amah Vote lo tute pawh huapin Bial mipui MLA a nih thu sawiin, Ruling VC leh Opposition MLA sawi lovin VC zawng zawngte nen thawkho-a rorel tlanga hma lain inenhranna awmlo se a duh thu a sawi a. Serchhip Bial chu Chief Minister thil tih theihna nen kum tam tak enkawl tawh a nih thu pawh sawiin, malsawmna tam tak alo dawn tawh te chu chhunzawm a ngaih dawn avangin Ruling a\anga lo enkawl tawhtute thawhpuina leh thurawn a mamawh dawn thu a sawi a. Tuna Ruling Party ni mek te pawh thawhhona \ha tak an neih tlan a beisei dawn thu sawiin, a break in rap zawnga an kal chuan bial leh mipui ten kan tuar dawn tih a sawi bawk.
Bialtu MLA chuan tun \uma a rawn kal chu lawmthu sawia rawn kal a nih thu sawiin, bial fang tur tak taka a rawn kal leh dawn thu leh Sawrkar Pisa hrang hrangah lengin hmalakna kal mek leh an hmachhawp te a sawipui dawn thu a sawi a. ZPM chuan an sawrkar tuk-ah sawrkar hnathawk te kutphuar phelh a nih tur thu an lo sawi tawh angin, Serchhip Bial-ah sawrkar hnathawk te hna ti khaihlak zawnga diklo taka thil an phal dawnloh thu a sawi a. Hetiang tih tum an awm a nih chuan an hruaitute hnena thlen zel tur leh a \ulna apiangah an thlen tur thu sawiin, hetiang thil a awm tawhloh nan hma an lak dawn thu a sawi bawk. 
Lalduhoma chuan MLA Fund chu MLA mimal sum ni lovin Bial hmasawnna hna thawhna tura sawrkar sum a nih thu a sawi a, a bial-ah te \ha taka lo hman tawh \hin a nih thu sawiin, tunah pawh \ha taka hma a nih leh dawn thu a sawi a. Inthlan dawna Bial Manifesto an lo siam tawh chu ngaih pawimawh reng a nih dawn thu sawiin, Opposition MLA a nih avanga engmah ti theilo nih a tum loh thu a sawi bawk.
Serchhip bialtu MLA hian tun thla ni 4 khan Thenzawl tlawh lehin a puala inkhawm neih ah thu a sawi leh a, Thenzawl-a a riah hnu Inrinni khan Buangpui leh Neiloh khua te tlawhin thu a sawi hnuah Inrinni chawhnu lam khan Aizawl panin a chhuak leh nghal a ni.

Comments

Popular posts from this blog

PAN CARD an tih teh fo hi - Laldinpuia