Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Press Tour-a kal turte Minister in vailiam

/
Information & Public Relation Department in Press Tour a buatsaiha Nagaland-a kal turte chu nimin khan I&PR Minister, Lalruatkima chuan Aizawl-a I&PR Department Office kawt a\angin a vailiam.
He Press Tour-a kal turte thlahna puala inkhawm tawi neih ah I&PR Minister chuan I&PR Department kaltlanga sawrkar hmalakna a Press Tour buatsaih a ni chu lawmawm a tih thu sawiin, hmasawnna leh ngaihtuahna thar nei tur chuan hmundang, ramdang kan zin a ngai a ni, a ti a. India hmarchhak zingah chuan Nagaland leh Mizoram hi inang tak niin, a mi chengte nen pawh inkawmngaih leh inlungrual kan ni tih sawiin, Nagaland Press Tour-a Journalist thlanchhuahte leh sawrkar aiawha kalte chu mipui hnena puan chhuah tur leh mipui zirtirna kawnga hriatna rawn hawn turin a chah a. Journalist te hi mipuite tana rawngbawltu leh mipuite zirtirtu an nih avangin, thawhhona \ha a pawimawh a ni, tiin a sawi a. Sawrkar leh Media inkar a hlat chuan ram hmasawnna in a tuar \hin a ni, a ti bawk.
MJA General Hqrs. President, Zonunsanga Khiangte pawhin, Mizoram leh Nagaland Media kalphung khaikhinna \ha nei tur leh article ngaihnawm tak hawn \euh turin a fuih bawk.
Tun \umah hian I&PR hian Press Tour nei tur hian Team li (4) a tir dawn a, Team tinah mi 10 zel awmin IPRO pahnih zelin an ho anga, nimin a chhuak te hian Nagaland panin Sikkim, Kolkata leh Meghalaya-ah te Team dang an kal leh ang.

Comments

Post a Comment

Popular News (Last 30 Days)