Serchhip-ah ni 4 chhung awh tur Handloom Exhibition-cum-Sale neih \an a ni

Development Commissioner for Handlooms Weavers' Service Center, Aizawl buatsaih ni 4 chhung awh tur Serchhip District Level Event, Handloom Exhibition-cum-Sale chu nimin khan Serchhip-ah neih \an a ni a. Serchhip bialtu MLA, Lalduhoma chuan he hun hi khuallian niin a hmanpui a ni.

Serchhip Hmar Veng YMA Hall-a District Handloom Exhibition-cum-Sale hawnna hunah hian bialtu MLA, Lalduhoma chuan India ramah Handloom Industry hmanga eizawng nuai 43 chuang an awm tawh thu leh India rama District tlem te, Special Zone atana thlanchhuah zinga Serchhip District kan telve chu vanneihthlak a tih thu a sawi a, Ministry of Textile kaltlanga hetiang hun buatsaih a ni chu lawmawm a tih thu sawiin, Handloom chu Mizoram-a Industry kan neih hrang hrang te zingah Mizoram ti hming\hatute zing a mi a nih thu a sawi a, Ministry of Textile sum lakluh zawng zawng a\anga za-a 13 chu Handloom a\anga lakluh a ni, a ti a. Handloom chu Powerloom lamin a rehbeh mai an hlauh avangin Central Sawrkar pawhin nasa taka Handloom a tih hmasawn thu sawi bawkin, State dangah chuan Handloom in Directorate hran a neih vek tawh laiin Mizoram-ah chuan a la awm velloh thu sawiin, Handloom Directorate a awm ve ngei theihna tura hmalak tlan a ngaih thu a sawi bawk.

Khuallian chuan Handloom hmanga eizawnna chu lehkhathiamlo te tih tura ngaihna tur a ni lo tih sawiin, lehkha zirsang hlei hleite hian hma lain \an la sela, Designing lamah Computerise hmanga changkang zawk leh nalh zawk, Mizoram a\anga India ram zau zawka thawnchhuah mai bakah khawvel ram hrang hranga thawhchhuah zel atana design mawi leh changkang siamchhuah zel a pawimawh thu a sawi a. Agriculture tih lohah chuan Handloom Industry hi India rama eizawnna lian ber a ni a, \halaite hian taimak chhuaha nasa leh zuala ke kan pen phawt chuan eizawnna \ha tak a ni zel dawn a ni, tiin a bial chhung a\ang pawhin \hlalai lehkhathiam tak tak ten Handloom chu tuipuia luhchilh ve turin a sawm nghal bawk.

Serchhip Bialtu MLA chuan Sawrkar \anpuina in Wool, Cotton leh Silk te 10% a tlawma lakluh theih a nih thu pawh sawiin, Central Sawrkar chuan Handloom Industry hi chawikan a tum thu a sawi a. Serchhip leh Thenzawl khua-ah te Puantaha eizawng an \hahnem em em tih sawiin, “In tam takah maiah puantahna khawl a inhung fer fur ka hmuh hian promote ngei che u ka duh a, ka phak ang tawka \ha leh chakin sawrkar-ah hma kan la ho dawn a, a \ul dan azirin MLA Fund a\angin hmalakpui che u ka tum a, khawl \ha zawkte, puantahna In changtlung zawk te, Eng \ha zawkte nen theihtawp kan chhuah ho zel dawn a ni,” tiin a bial mipuite tana hmalak a tumna a sawi a. Exhibition-a dawr hawn te a tlawhkual nghal bawk.

Nimin-a Handloom Exibition-cum-Sale hawnna hun hi District Industry Centre, Serchhip a\angin Lal\anpuia chuan kaihruaiin, R.K. Sen, Asst Director, Weavers Service Centre Aizawl chuan in lawmna thu a sawi a, Elizabeth Lalremthangi, Funtional Manager, DIC Ser-chhip pawhin Khual zahawm nia hun hmanpuiin Industries hnuaia Trade za tel awm zinga Mizo-ram-a tlemte kalpui theih zingah Handloom chu hmasawn chak ber te zinga mi a nih thu a sawi a, Handloom a\anga siamchhuah tam tak pawh Mizoram pawnah thawnchhuah a nih tawh thu a sawi a. Serchhip District chu Special Zone a nih tawh avanga hetianga hmalak a nih thu leh training pawh neih zel tum a nih thu a sawi bawk.

Nimin a he hun hmanna ah hian Lalven-sanga, Branch Incharge, National Handloom Development Coorporation, Aizawl chuan puantahtu ten an kutchhuak Online (Internet) hmanga an zawrhchhuah theih dan tur zirtirna pein tukin dar 6:00 a\anga \an turin Handloom lama tui te tana ham\hatna awm thei Scheme hrang hrang te inzirtirna hun hman a ni leh bawk ang.