Chief Minister-in Horticulture Department hnuaia Technical Officer leh Staff Meeting a telpui

Horticulture Department hnuaia Technical Officer leh staff te chuan nimin khan Aijal Club-ah Meeting an nei a. He hun hi Horticulture Department enkawltu Chief Minister, Zoramthanga chuan a hmanpui a ni.

Nimin-a Meeting-ah hian Chief Minister, Zoramthanga chuan State hmasawnna tura hmalakna puiah chuan Horticulture chu a innghah tamna ber zing a mi a nih thu a sawi a. Leilung \ha, ruahtui tamna, sik leh sa nuam tak, thlai leh thei, thing leh mau in an ngeih em em ram, lehkhathiam tamna, ram ralmuang a cheng kan nih hi kan hman \angkai thiam a \ul a ni, a ti a. Ram hmasawn tur chuan a chhung a cheng ten ngaihtuahna dik kan put a \ul tih sawiin, Horticulture Department kaltlanga mumal taka hmalak \hinna chu lawmawm a tih thu leh, a aia ngawrh leh huapzau zawka kalpui a, ei chawp leh khamkhawp chauh thar lova, hralhchhuah a sum a chantir tham thar a tum a, chumi atana ngaihtuahna seng turin Horticulture Department thawktute chu a sawm bawk.

He hun hi Horticulture Director, Elizabeth Saipari chuan kaihruaiin Rodney L. Ralte, Horticulture Department Secretary chuan thu a sawi bawk a, Joint Director Vanlalruata Chenkual hnen a\angin kum kaltaa an Department hma lo lak tawhna hrang hrang leh hmachhawp te ngaihthlak a ni. Meeting hi Session thumah \hen niin, Session hnih-na ah hian Mau, Dragon fruit leh Off-Season thlai kui dan chungchang paper zirho a ni a. Session thum-na ah Division hrang hrang a\angin report ngaihthlak a ni bawk.

Horticulture Department hian Mission for Development of Integrated Horticulture (MIDH), Rashtrya Krishi Vikas Yojana (RKVY) leh Pradhan Mantri Krishi Sinchayee Yojana (PMKSY) te chu sawrkar laipui hmalakna hnuaiah an kalpui mek a. MIDH hnuaiah hian huan siam thar te, Rejuvenation of Senile Plantation te, ruahtui khawl a tui kawng siam te, Farmer Training te leh a dangte kalpui \hin a ni a. RKVY hnuaiah hian Micro Irrigation (sprinkler leh drip irrigation) te kalpui niin RKVY kaltlangin Mizorama Centre of Excellence pathum-ah Farmer-te tan training te neih \hin a ni bawk.