Thisen sawngbawl man lak loh Manifesto-ah a tel tih sawi

Health Minister, Dr.R Lalthangliana chuan thisen pekna tura sawngbawlna sawrkarin a tum turah kumkhatah cheng nuai 200 a\anga 300 inkar vel sen angai dawn tih sawiin, hei hi Budget Session neih leh hmasak berah Budget ah khung nghal tur anih thu a sawi a. "Blood processing fee lak loh hi manifesto-a kan dah a ni," a ti.

Health Minister Dr. R. Lalthangliana chuan, MNF sawrkarin SEDP kaltlanga mipui te tana ruahmanna a siam zingah Health lam chu a dah pawimawh hmasak ber pakhat anih thu sawiin, Health lamah Blood processing fee, Thisen man chu mirethei harsa taktak ten sum leh pai sengin harsa takin kan chawi a, hei hi kan vei ve khawp a, Manifesto ah pawh dah a ni, a ti.

Health Minister chuan, “Cabinet Meeting chuan hei hi chu tihtawpa mirethei tana pek ngailo tur hian Blood Processing Fee tihtawp ni lovin a man hi sawrkar sum a\angin pek a ni ang, tiin kan rel a, sum a ngai tam dawn fu a, a zat tur chiah a chhut theih loh a, Department lam kan chhut tir dan chuan kum khata nuai 200 a\anga 300 inkar bawr vel hi chuan kan mamawh dawnin ka hria a, hei hi Budget Session lo awm leh turah hian dah fel a ni ang a, chumi rual chuan tun thla hnih leh a chanve la awm February leh March chhunga engemawzat cheng nuai 50 dawn senso angai dawn bawk a, hei pawh hi sum awmsa pawtkhawmin kalpui nghal mai ila kan ti,” a ti bawk.

Dr. R. Lalthangliana chuan mipui te leh Health Department thawktute pawhin theihtawp chhuahin \ha taka an kalpui theih a beisei tih sawiin, Health Care Scheme kalpui dan tur chung-chang pawh tihtak zeta an ngaihtuah angai dawn tih a sawi a, “MNF kan sawrkar hmasak khan Health care scheme hi ruahman a ni a, tunah hian kan ennawn leh angai dawn,” a ti a, Private Hospital pawhin hetiang ringawt hi chuan kalpui harsa an tih thu an hrilh tih a sawi bawk.