MZP in Mizoram chhungah ngei Mizo ten In leh lo neih theihlohna kan nei na an tih thu an sawi

Chakma Autonomous District Council (CADC) Area, Borapansury-a MZP ten ‘Zofate Chawlhbuk’ an sakna hmunhma chu niminpiah khan MZP chuan samfai hnatlang neiin MZP hruaitute chuan Mizoram chhungah ngei Mizo ten In leh lo neih theihlohna kan nei thei lo chu na an ti hle tih an sawi.

Niminpiah-a Zofate Chawlhbuk samfai hnatlang \an hma hian inkhawm tawite neih niin he huna thu sawitu MZP General Hqrs. President, L. Ramdinliana Renthlei chuan Chakma Autonomous District Council (CADC) area chhungah hian Chakma tan lo chuan In leh lo, ram neih theih loh turin CADC in Dan an siam tih sawiin, hei hi MZP chuan \halo an ti hle tih a sawi a. “Helai hmun hi kan pi leh pute lo luah chin ram Mizoram a ni a. Mizoram chhungah ngei Mizo ten In kan nei thei lo a, ram kan nei thei lo hi a na kan ti hle a. He an Dan hman hi siam\ha turin kan ngen a, Mizoram Sawrkar pawh siam\hat a nih theih nana hma la turin MZP chuan kan ngen nghal bawk a ni. MZP chuan nasa taka beiin leh dodalna \hahnem tak karah tihluihna in CADC Area, Borapansuri khuaah hian In \ha tak Zofate Chawlbuk kan nei a, he Zofate Chawlbuk hi Mizote tan a ni a, khualzin ten an duh phawt chuan riah nan te an hmang thei dawn a, an hmang reng tawh bawk a ni,” a ti bawk.

MZP President chuan CADC area chhungah hian Mizote hmuhsitna leh diriamna a nasa hle tih pawh sawiin, Sawrkar a\anga ham\hatna kal \hin pawh Mizo khua awmchhun te sem kan an ni \hin tih a sawi a. “Kan Missionary te pawhin Chakma vauna an tawk \hin a, an Quarters sakna tura ram an hawh pawh hnawk an ti tawh hle a ni. Kan ram Mizoram chhung ngei ah kan Missionary ten Christian ram kan tih \hin Mizoram-ah ngei zalen taka rawng an bawl thei lo hi na kan ti hle a ni. Kan Missionary ten en hranna an tawh a, harsatna an neih thawm kan hriat leh chuan MZP chu an thlavang hauh turin a che chhuak dawn a ni,” an ti bawk.

CADC area Borapansuri khuaa Zofate Chawlhbuk hi kum 2014 khan a sak buaipui \an a ni a, kum 2015 khan sak zawh niin Sept. 10, 2015 khan hawn a ni.

MZP hruaitute hian Kurbalovasora khua pawh tlawh in an khawtlang hruaitute VC leh YCA te kokhawm in an khua a Christian an tih duhdah avangin zilh an ni a, dan lova Chakma te khaw din, Chandovagarh pawh tlawhin he khua hi an awm \anna a la rei lo a, In 38 a awm a, foreigner deuh vek an ni a. He khua hi Dan lo anga din a nih thu sawiin, Mizoram Sawrkar pawh enfiah nghal turin MZP chuan an ngen nghal bawk.