RD Minister in Durtlang-a SIRD&PR hmun a tlawh

Rural Development Minister Lalruatkima chuan Zirtawp zan khan Durtlang-a State Institute of Rural Development & Panchayati Raj (SIRD & PR) hmun a tlawh a, Mizoram chhung District hrang hranga SIRD hnuaia faculty-te leh SIRD Durtlang-a thawkte infuih tharna hun a hmanpui.

SIRD Conference hall-a inkhawm buatsaih hi Khuang-thansanga Pakhuangte, Senior Core Faculty in a kaihruai a, SIRD Director, Maria CT Zuali’n inlawmna leh inhmel hriattirna hun a hmang. SIRD Director chuan Minister viak \ha leh principle nei \ha tak, politics lam zawng chauha thil thlirlo mi RD Department-in an nei chu vanneihna leh malsawmna a nihzia a sawi.

RD Minister Lalruatkima chuan Mizoram thingtlang lam leh khawsak harsa zawkte tan SIRD hnathawh a \angkai zia leh ram hmasawnna atan thingtlang tih hmasawn a pawimawhzia a sawi a. Hemi kawngah hian SIRD hnathawh dan \ha a tih thu leh hei aia nasa zawka \an la turin kalkhawmte a chah a. “Mihring chu inzir reng tur kan ni a, hmasawn tura kan mipui tam zawk zir tir a, nunphung tam tak thlak thleng thei tu pawimawh tak chu he SIRD hi a ni a. SIRD hi thingtlang hmasawnna kawngah a sulsutu pawimawh tak in ni a, neitu thinlung puin hnathawk turin ka ngen che u a. Mithiam rual awmkhawm in nih angin Pathian leh he ram tan i thiamna te nasa lehzuala hmang turin ka ngen che u a ni,” a ti bawk.