Latest News

BSF in infiamna hmanrua hlan

Serchhip Dawngzawl-a awm 159th Bn. BSF te chuan niminpiah khan Kei\um-ah Civic Action Programme hawnna hun hmangin Kei\um khawtlang tan infiamna hmanrua an hlan a, ram-ngaw leh nungcha humhalhna campaign an nei nghal bawk.
Border Security Force (BSF) 159th Bn. te hian ram mipuite nena inunauna leh thawh-hona \ha zawk a awm theih nan Civic Action Programme hi buatsaihin he hunah hian infiamna lama Kei\um \hlaite hman tur Boxing, Badminton, Football leh Volleyball hmanrua engemaw zat an pe a. Hmeichhe naupang leh mipa naupangte tan Boxing zirna kalpui turin ruahmanna siamin, National Games-a Medal lo hlawhchhuak tawh ten zirtirna an pe dawn a ni. Kei\um khawtlang bakah hian Tlabung-ah pawh training hi neihpui tura hmalak a ni bawk ang.
Niminpiah a he hun hmanna ah hian Battalion Commandant, Vinay Yadav chuan \halaite leh kum naupang zawkten infiamna lama theihna an neih te haichhuah sak a, inphochhuahna hun \ha siam sak a pawimawh zia sawiin, Mizo \halai ten Boxing-ah theihna sang tak an nei tih hi a chiang hle a, mumal taka Coaching inpek uar chhoh zel a pawimawh hle a ni, a ti.
He hunah hian nungcha humhalhna inzirtirna atan Poster Campaign neih nghal a ni bawk a. Commandant chuan \halaite chu sava leh nungchate humhalh tlat a, vawnghim tlattu ni turin a ngen a. Mizoram State Bird, Vavu thlalak leh Sava leh nungcha dang thlalak (poster) chu khaw-chhung hmun pawimawh laia an tar turin khawtlang hruaitute hnenah an hlan nghal a ni. He hunah hian Dr. L. Pachuau, Deputy Commandant, S. Mondal, Deputy Commandant leh Kei\um VCP bakah khawtlang hruaitute an tel a ni.

Comments

Popular News (Last 30 Days)