NDA a\anga inhnuhdawh kan hreh lo - Zoramthanga

MNF President leh Chief Minister, Zoramthanga chuan Citizenship Amendment Bill-2016 chungchang avangin a \ul a nih chuan NDA a\anga MNF inhnuhdawh an hrehloh thu a sawi.

MNF Aizawl South III North & South Block buatsaih MNF sawrkar thar lawmna nimin a Aibawk-a neih a hmanpuina ah he thu hi sawiin MNF President, Zoramthanga chuan tunlaia kan issue lian tak Citizenship Amendment Bill-2016 chungchangah theihtawp a chhuah thu sawiin, “Central sawrkara hotute ka zu hmuhna ah pawh sawi berah ka nei a. Prime Minister ka hmuhna ah pawh nasa takin ka sawi a, ani pawhin sawi tur vak a hre lo a, a ne ne ve mai mai a ni,” a ti.

Chief Minister, Zoramthanga chuan Union Home Minister a hmuhna ah pawh hemi chungchang hi a sawi thu sawiin, “Inremna kan siam hnuah hetianga in tih chuan, tunhma daih tawh khan Burma-ah nge, India-ah nge, Crown Colony nge tih lo ngaihtuah daih tawh kan ni. Hetiang duh lova falu hloha kum 20 lo rammu tawh kan ni. Nangni pawhin vote zawn nan in ti a nih pawhin engmah in nih phah lovang ti khawpin ka sawipui a, Home Minister phei chuan min ko nawn hial a, sawrkar mi pawimawh Secretary, Joint Secretary-te nen lo inchhawpin nasa takin kan sawizui leh a ni,” a ti a. “A rahbi te te a awm a, kan bei zel dawn a, theihtawp kan chhuah zel dawn a ni. He thil nawr tur hian a hmahruaitu nih zel pawh kan duh a, a \ul a nih chuan MNF hi NDA a\ang hian inhnuhdawh an hreh hauh lo a ni,” a ti bawk.