Latest News

Dan lova khaw din sawipui

MZP General Hqrs. hruaitute chuan nimin khan LAD Minister, K. Lalrinliana chu a Office-ah kawmin Mizoram chhunga danlo a khawdin leh Mizoram leh Assam State inrina ramri chung-chang an sawipui.
He hunah hian MZP hruaitute chuan Mizoram chhungah danlo a khawdin khaw 21 lai a awm thu Minister hnenah hian thlenin, heng khua te hi Lunglei District chhungah khaw 19 awmin, Mamit, District chhungah khaw 2 a awm thu an sawi a. Heng khuate hi Chakma leh Tuikuk ten an din a nih thu sawiin, heng khua te hi rang taka Mizoram Sawrkar chuan endika \hiat nghal turin an ngen a. Minister chuan MZP ten heng khua danlo a din an lo hmuchhuak chu lawm-awm a tih thu sawiin, a rang thei ang bera \hiah anih theih nan hmalak a ni ang tih alo hrilh a ni.
He hunah hian MZP hruaitute chuan Bairabi Zophai leh a chhehvel bialtu anih angin K. Lalrin-liana chu ramri chungchang an sawipui a, Bairabi Zophai hmunah hian Zofate Chawlhbuk a din ngei theihna turin bialtu MLA anih ang pawha hmalak a tum thu leh a hmunah ngei MZP hruaitute nen enho anih tur thu alo hrilh bawk a ni.

Comments

Popular News (Last 30 Days)