Kum 2018-ah Traffic dan bawhchhia 16,053 zet man

Aizawl Traffic Police chhinchhiah danin, kum 2018 chhung khan Aizawl leh a chhehvelah Traffic dan bawhchhia lirthei 16,053 an man a, chu'ng mite sum chawi tlingkhawm chu Rs. 57,65,050/- a ni.
Aizawl Traffic hotute sawi danin, kum 2018 chhunga lirthei, dan bawhchhia an man zingah Two Wheeler tam berin 10,671 a ni a. LMV 3,554, Taxi 1,294, HMV 385 leh Bus 145 an man bawk. September thlaah man tam berin 1674 an man a, man tlem ber thla chu December kha niin, 1003 an man thung.
Lirthei dan bawhchhia an man zingah signal pawisak loh vanga man an tam ber a, mi 6094 an man a, a dawttu chu hun phal lohna hmuna lirthei hung a ni a, mi 4834 an man bawk. Nikum chhung khan Driving Licence nei lova lirthei khalh mi 1,719 an man a, Zu nam chunga khalh vanga man chu 383 an ni a. Registration number ziah dan diklo leh mumal lo vangin mi 215 an man bawk a. No Entry bawhchhiat vanga man mi 621, Wrong side-a tlan mi 623, Helmet khum lova khalh mi 380, hlauhawm taka khalh mi 214, inher phallohna hmuna inher mi 528, din phal lohna hmuna ding mi 89, phurh phal chin aia tam phur mi 40 leh mei zu chunga khalh mi 9 an awm bawk.
Kum 2018 chhunga Aizawl leh a chhehvela Traffic dan bawhchhia lirthei an man sum chawi tling khawm chu Rs. 57,65,050/- niin, September thla kha sum chawi tlingkhawm tam ber \um niin Rs 6,00,350/- lai hmuh a ni a, sum hmuh tlem ber tum chu March thla kha a ni a, Rs 3,81,450/- hmuh a ni bawk. Traffic Police chhinchiahna a\anga a lan danin nikum chhung khan lirthei khalh chunga phone hmang man an awm lova, hei hi a chhan nia lang chu inzirtirna neih nasatin a hrin chhuah niin Traffic Police hotute chuan an sawi. Aizawl khawpui chhunga lirthei chetvel awlsamna atan hian Traffic Police hi SP pakhat kaihhruaina hnuaiah dah niin hmun hrang hrangah an duty \hin a ni.

Comments

Popular posts from this blog

PAN CARD an tih teh fo hi - Laldinpuia