Health Minister in MIMER leh MCON tlawh

Health Minister Dr. R. Lalthangliana chuan Zirtawpni tlai khan Falkawn-a Mizoram Institution of Medical Education & Research (MIMER) a tlawh a, an hmalakna hrang hrangte a enfiah.

MIMER a tlawhna ah hian Health Minister, Dr. R. Lalthangliana chuan Medical College Mizoram tana neih chu mimal ang pawha tunhma a\anga a ngaihpawimawh anih thu leh neih a \ul zia Assembly House a auchhuahpui hmasatu ni hiala a inhriat thu a sawi a, a hlawhtlinna turin Sawrkar lo awm tawh te pawhin theihtawp an chhuah \hin a, an hmalakna te a fakawm rualin vawilehkhat ah engkim an ngaihtuah vek seng lova, tihbelh ngai leh hmalak chhunzawm ngai tam tak a awm tih sawiin, heng te hi an hlamchhiah dawn loh thu leh a \ha tur anih chuan sawrkar hmasa hmalakna te pawh chhunzawm zel a nih tur thu a sawi a. MIMER chu Mizoram hmel ti\ha tu ni turin theihtawp chhuah a tum thu sawiin, hmanraw mamawhte pawh a \ha thei ang bera thuam anih bakah a enkawltu tur pawh khawl chinchang hria mithiam rawih zel a\ul thu a sawi bawk.

Health Minister hian Mizoram  College of Nursing (MCON) pawh tlawhin Nurse zirlaite leh zirtirtute nen an inkawm nghal bawk.