Ruihtheih thil man hnem

Krismas leh Kumthar vuakvet chhungin Excise & Narcotic Department-in Rakzu litre 799 leh Myanmar Zu, BEDC litre 55 an man.

Excise & Narcotic Department hian Krismas leh kumthar kan hmanliam takah khan Mizoram hmun hrang hranah Zu leh ruihhlo dang dap beihpui nasa taka thlakin Rakzu litre 799 leh Myanmar zu BEDC litre 55 an man a. Heng bakah hian sap zu umpuitling um 59 leh um chanve um 196 an man bawk a, Beer cane 402, zu siamna atana hman tur buhfai \in 55 leh hemi kaihnawihah hian mi 46 an man bawk. An rakzu man zinga a tam ber litre 627 chu Aizawl-a man a ni a, Siaha District-ah litre 30 an man bawk.

Serchhip-a Excise & Narcotics Department chuan Dec. 21, 2018 a\anga December thla tawp thleng khan Zu bilhlai |in 350, Bel Set 4, Rakzu litre 87,Sapzu (IFML) um 111 leh Beer Cane 8 an man a. Heng kaihhnawih ah hian mi 16 man niin thubuai 7 an ziaklut bawk. Serchhip-ah hian Exicse & Narcotics Department, Police leh YMA telna Serchhip District Co-Ordination Committee chuan mipui ten he hunpui hi thlamuang taka an hman theihna turin Serchhip khawpui chhung hmun hrang hrangah venhimna hna an thawk a ni.

Hetihlai hian Central YMA hnuaia ruih-hlo dotu pawl, Supply Reduction Service (SRS) te chuan nikum December thla a\ang khan Heroin hawng 16, cane 118 leh chhinsen 24 an man a, heng bakah hian damdawi ruih nana hman chi Alprozelum mum 878 an man bawk. Heng kaihhnawihah hian mihring 124 an man a, an zinga mi 7 chu Home-a dah an ni a, mi 1 chu Police hnenah hlan a ni a, midang engemaw zat chu Counselling an pek hnuah an chhuah a ni.