Motor sut vangin boral

Inrinni zan dar 7:30 pelh hnu khan Serchhip Darnam Veng-a UPC (NEI) Biak In bulah Ro-nghinglova (54) s/o Thangmanga (L), Serchhip chu 407 Truck in a su a, damdawi In panpui a nih hnuah a boral.
He Motor Mz-01-N/8210 hi Pahlira (39) s/o Sangkunga, Zemabawk ami ta leh ama khalh a ni a, he Motor hmang hian Pahlira te nupa chuan Inrinni khan North Vanlai-phai-ah Buhfai an dah a, hemi Ni chawhnu lam khan rawn let lehin chhimlam a\anga Serchhip khawpui luh hnu KM 2 vela kawng kual-a ke-a lo kal, Ronghinglova te nen hian intawksual palhin Motor hian Ronghinglova hi a su a, a lu-ah hliam tuarin Serchhip damdawi In panpui ni mah se hemi zan dar 9:25 khan a boral zui ta a ni.
He vanduaina thleng hi Serchhip Police te pawh hriattir nghal niin thil thlenna hmun hi an enfiah nghal a, he lirthei leh a khalhtu pawh hi Police te chuan la nghalin a \ul anga hmalak zui nghal a ni. Vanduaina tawk Ronghinglova hi nupui fanau neia khawsa \hin niin an nupa an in\hen hnuah mahni-a khawsa zuiin a chhungte In hrang hrang ah a cheng kual \hin a, a ruang hi an Inpui, Serchhip Dinthar Veng-ah lak niin lumen a nih hnuah nimin khan vuiliam a ni.

Popular posts from this blog

PAN CARD an tih teh fo hi - Laldinpuia