Latest News

Co-Operation Minister in tlangzarh

Co-Operation Department Minister, C. Lalrinsanga chuan nimin khan cheng nuai 35 senga din, Mizoram Urban Cooperative Development Bank Limited (MUCO) Bank Server chu hawngin, a vawi khatna atana MUCO Bank in an buatsaih ATM Debit Card a tlangzarh nghal bawk.
MUCO Bank Server hawnna leh ATM Debit Card tlangzarhna hunah hian Co-Operation Minister chuan MUCO Bank chu sawrkar hmasa lama a lo enkawl tawh, harsatna tam tak paltlanga vawiin thleng thei an nih thu a sawi a. He Bank hi Reserve Bank of India (RBI) in khar tura a hriattir hnua sawrkar in nasa taka a siam\hat a ni tih tarlangin, tun dinhmun an thleng thei hi lawmawm a tih thu a sawi a. MUCO Bank a hnathawk te pawh an sum lakluh (Profit turn over) a \hat anga an hlawh tihsan theih nise a duh thu sawiin, kalkhawmte chu an hmazawn \heuha Mizoram hmasawnna atana ke pen turin a chah bawk.
Nimin a tlangzarh ATM Debit Card hi India ram hmun hrang hranga ATM Booth a hman theih tur a ni a, Reserve Bank of India (RBI) duh dan ang thlapin Chip base a siam a ni a, he Card hmang hian thlakhat ah vawi 5 chawi awm lovin ATM Booth a\ang pawisa a lak chhuah theih dawn a, a bak chu Rs 20/- chawi in a hman theih ang. He Card hmang hian vawikhatah Rs. 40,000/- a lakchhuah theih dawn a ni. MUCO Bank hian server an neih tak avang hian anmahni dawrtute banking lama harsatna an tawh chuan a rang thei ang berin chinfel sak an ni thei tawh dawn a ni.

Comments

Popular News (Last 30 Days)