Adviser to CM in Pisa luah

Adviser to Chief Minister atana ruat, C. Lalramzauva Office hawnna leh Pathian hnena hlanna hun chu nimin khan neih a ni.

Nimin-a Adviser to Chief Minister Office hawnna leh Pathian hnena hlanna inkhawm-ah hian Adviser to Chief Minister atana ruat, C. Lalramzauva chuan MLA-ah tling zo lo mah se Chief Minister in Adviser ni tura tlingah pawma Adviser hna pawimawh leh mawhphurhna sang tak chelh tura a tih chu insit tak chunga a pawm thu a sawi a. He hna petu Chief Minister chungah lawmthu sawiin, “Kan hmalam huna kan kal chhoh zelna tur chu kan Chief Minister nen la sawi hovin theihtawp tak meuh chhuah ka tum dawn a ni,” a ti a. “Ukil hna ka thawh laia 'sawipuitu' ka nihna kha tunah pawh 'CM hnena sawipuitu' hna bawkin ka chhunzawm leh dawn a ni,” a ti bawk.

He hunah hian Chief Minister, Zoram-thanga pawhin thu sawiin Office hawnna mai nilo, Pathian hnena hlanna hun hman a ni chu lawmawm a tih thu a sawi a, “He Adviser hna pawimawh tak mai hi mahni ham\hatna tur lam ngaihtuah lova, mahni eizawnna kalsana a lo pawm hi a lawmawm hle a. |um danga Adviser 2/3 nei \hinin pakhat chiah kan neih rih dawn avangin a mawhphurhna pawh a hautak deuh hlek mai thei. Amaherawh chu Pathian leh a inpekna zarah tlin taka a thawh theih ka beisei a. He hna hi taima tak leh tluang taka thawk turin duhsakna ka hlan a ni,” a ti.

Adviser to Chief Minister atana ruat, C. Lalramzauva hi Aizawl Kulikawn-a khawsa niin hun engemaw chen Pachhunga University College-ah Lecturer hna a thawh hnuin Ukil hna a thawk leh a. Ukil hna thawk chunga Politics luh-chilhin MLA candidate te pawh lo ni tawhin Assembly inthlanpui hnuhnung berah khan Ser-chhip bial-ah ding mah se a tling zo lo a, amaherawh chu MNF sawrkar a din hnuah Adviser to Chief Minister atan ruat niin he hna hi Minister of State rank a ni.