Latest News

Health Minister in Department hotute a kawm

Health Minister, Dr. R. Lalthangliana chuan nimin khan Health & Family Welfare Department a hotute kawmin an Department hmalakna tur hrang hrang a sawipui.
New Secretariat Com-plex, Aizawl-a Secretariat Conference Hall-a he inkawmhona hunah hian Health Minister, Dr. R. Lalthangliana chuan Socio-Economic Development Programme (SEDP)-ah hriselna chu an ngai pawimawh hle tih sawiin, “Mipui kan hrisel zawk nan invenna lama hmalakna hi nasa zawka kalpui a ngai dawn a ni,” a ti a. Damlo tih tlemna kawng a hma kan sawn chuan inen-kawlnaa senso kalral tur kha kan hum thei dawn tih a sawi bawk.
Health Minister chuan Mizoram chu HIV vei sanna ber leh Cancer natna tamna State kan ni chu pawi a tih thu sawiin, “Heng natna khirh tak takte tihhniam a nih theih nan ngun taka ruahmanna siam a ngai a ni,” a ti a. Sawrkar hmalakna a In leh khawl \ha tak tak neih a mahse enkawltu leh enkawl zui ni talo tam tak awm \hin chu pawi a tih thu sawiin, “Hmalakna kan \an a nih chuan hma lakna ziktluak a ni tur a ni,” a ti bawk.
Health Minister chuan Health & Family Welfare department a thawktute chu mihring hriselna leh damna an kutah thui tak innghat a nih avangin an hna a chiang tur leh an mahni pawi-mawhna inhre thar turin a chah a, rintlak tak leh inpekna nen a hna thawk turin a fuih bawk.
Nimin a he inkawmhona hun hi Health Department-a Commissioner & Secretary, Lal-rinliana Fanai chuan kaihruaiin National Health Mission-a Mission Director bakah Health Department-a Principal Secretary te, Health Services leh Hospital & Medical Education Director ve ve bakah District tin a\angin Chief Medical Officer leh District Medical Superintendent leh hotu dangte an tel bawk a ni.

Comments

Popular News (Last 30 Days)