END in mipuite \awiawmna ah lawmthu an sawi

Instant Yeast hmanga Zu siam in lo turin an ngen

Mizoram Excise & Narcotics Department chuan Hunpui kan hman zawh taka mipui leh tlawmngai pawlte nen thawhhona \ha tak an neih avanga lawmawm an tih thu sawiin, tunlaia Instant Yeast (Chhang siamna dawidim chi khat) hmanga Zu siam chu mihring tana hlauhawm a nih thu an sawi.

Excise & Narcotics Department hian nimin khan Commissioner of Excise & Narcotics, Ngurchungnunga Sailo hovin thal kalta, December thla chhunga Mizoram inthlanpui leh Krismas leh a vuakvet laia an dinhmun enletin Crime Review Meeting an nei a. He huna tarlan a nih danin December ni 21, 2018 a\angin Mizoram-ah DRY DAY hman a ni a, hetih chhung hian Mizoram State Liquor Prohibition Co-Ordination Committee kaihhruaina angin Mizoram hmun tinah Zu leh ruihhlo khuahkhirh hna uluk taka kenkawh a ni a, Excise & Narcotics Department, Police Department leh YMA ten theihtawpin hma an la tih an tarlang a. Hunpui kan hman zawh takah Mizo mipuite leh tlawmngai pawlte nen thawhhona \ha tak an neih avanga kumdang ai maha Zu leh ruihhlo-a buaina kan tawh tlem avangin Excise & Narcotics department chuan lawmthu an sawi a ni.

Hetihlai hian Dry Day hmanga Zu khuahkhirh a nih mek lai hian Rangvamual leh Phunchawng vela Dan phal loha Zu zuar leh siam rutu te chuan tunlaiin an Zu siamna ah Instant Yeast (Chhang siamna dawidim chi khat) an pawlh nasa tih hriat a ni tih pawh he hunah hian tarlangin, heng rakzu te hi mihring tana in hlauhawm, mihring Tha (Nerve) natna leh natna dang thlen awlsam tak a ni tih sawiin, hei vang hian in lo turin mipuite chu an ngen bawk.

Nimin a he Review Meeting-a tarlan a nih danin December thla chhung khan Excise & Narcotics Department chuan Rakzu litre 26,923 manin Zu bilhlai |in 3747 an tichhia a, Sapzu um puitling 211, A chanve um 463 leh Canned Beer 301 leh Beer Bottle 3 manin Zu kaihhnawih ah thubuai 148 ziaklutin mi 99 an man a. Heng bakah hian Ruihhlo chi hrang hrang Heroin Kg. 1 leh gram 565, Ganja Kg. 7.22 leh Alprazolam mum 1410 bakah Khuh damdawi ruihna atana hman chi 1374 an man a, heng ruihhlo kaihhnawih ah hian thubuai 45 ziahluh niin mi 54 man an ni bawk.