CADC-ah eptu in thlawptu an ngah zawk

Chakma Autonomous District Council Session nimin a neih ah ‘Floor Test’ neiin MNF Legislature Party Leader, Rasik Mohan Chakma chuan sawrkar siam thei turin thlawptu MDC a ngah tawk tih fiah a ni.
Mizoram sawrkar in CADC-ah sawrkar siam thei khawpa MDC ngah an awm leh awmloh fiahna nei tura a tih angin nimin khan CADC-ah hian Session neih a ni a, he \hutkhawm hi Larsap aiawhin Lawngtlai District Bawrhsap, N. Chakhai kaihhruaina hnuaiah neih niin he Floor Test buatsaihah hian CADC-a member 20 zingah member 12 an tel a. Ban pharin Chief Executive Member nilai, Shanti Jiban Chakma kaihhruai Executive Committee thlawptu leh Eptu Leader, Rasik Mohan Chakma-in sawrkar siam tuma a chuh thlawptu zawn niin, CEM ni lai Shanti Jiban Chakma thlawp zawngin vote khat (1) a tla a, Eptu Leader nilai, Rasik Mohan Chakma thlawptu mi sawmpakhat (11) an awm thung a ni.
Tunhnaiah CADC politics boruak a buai hle a, tunhnaia zawhfel tak CADC Thlasik \hutkhawm ah Chairman nilai leh Chief Executive Member te chu rintawklohna Motion hmanga paihthlak an ni a, Eptu party-a \hu \hin, MDC 7 nei, MNF chu Congress ticket-a thlantlin MDC 4 ten an zawm tak avangin hruaitu atana an thlan Rasik Mohan Chakma chuan sawrkarna siam theihna khawp thlawptu a neih thu hi thuneitute hnenah a thlen a, hemi ang hian Rasik Mohan Chakma hian thlawptu a ngah tawk em tih fiahna neiin fiahna hi a paltlang ta a ni.

Comments

Popular News (Last 30 Days)

LPG man bithliah thar