Aizawl Khatla-a lei dawh thar chu mipuite hman theih turin hawn a ni ta

Aizawl Khatla MG Road-a lei tlahniam avanga Lei dawh chu zawhfel a nih hnuah nimin khan hawn a ni.

He Lei dawh thar hi PWD Engineer-in-Chief, Er. Vanlaltluanga chuan hawngin ruahmanna anga Lei dawh hna an zo mai thei lo chu pawi a tih thu sawiin, mipuite hriatthiamna a ngen a. Allocation of Business 2014-ah chuan PWD in a tihtur zingah kawng siam, building sak leh enkawl zui bakah Lei siam leh enkawl chu a tel thu a sawi a. Mizoram chhunga kawng KM 7517.48-a thui chu Mizoram PWD, Central PWD leh BRO ten a enkawl hna an kengkawh tih sawiin, Mizoram PWD hnuaiah hian Lei (bridge) 136 a awm thu leh heng zinga 63 chu National Highway-a awm an nih thu a sawi a, chung zinga 47 chu Permanent Bridge niin 16 chu Temporary an ni a, State Roads hnuaiah Bridge 73 awmin, Temporary Bridge 32 a awm bawk tih a sawi a. Mizoram PWD Vision 2030-ah chuan kan ram chhunga Temporary Bridge zawng zawng Permanent Bridge-a siam vek a tel thu a sawi bawk.

Nimin a hawn tak he Lei hi Arch Bridge (D-Row Trusses Type) a ni a, Permanent Highway Steel Bridge a ni a. A sei zawng hi 54 meters (177 ft) a ni a, live load 100 tons/1,00,000 kgs a phur zo thei dawn a, Bridge kul sang lai ber san zawng hi 9 meters niin Truck lian, a bang sang tak tak pawhin a tawng pha dawn lo a ni. Bridge Load test hi January ni 13, 2019 khan neih niin Truck full load 25 ton-a rit enchhin nan hman a ni a. Motor tlanin Lei dawh a nghawr nghin nasat chin te, motor tlan zawnga Lei kul hniam zawng te endik niin Lei hi a nghet \ha tawk hle a ni tih finfiah a ni.

Aizawl Khatla-a Circuit House hmunah sawrkar in Conventional Centre sak a tum avanga lei laih a nih hnuah a chhaka MG Road chu nasa takin a che zui a, Bible House leh In \henkhat chu \hiah niin kawng pawh nasa taka a tlakhniam avangin helai hmunah hian cheng nuai  492.32 sengin he Lei hi dawh a ni ta a ni.