Eirukna awmlohna sawrkar din kan tum tih hi Officer te rilruah cham reng se ka duh - Home Minister

Serchhip tlawha rawn zin Home Minister, Lalchamliana chuan Serchhip rawn tlawhin nimin zing khan Serchhip-a sawrkar Department hrang hrang hotute nen inkawmna an nei a. Home Minister chuan langtlang sawrkar, Eirukna awmlohna sawrkar din kan tum a ni tih hi Officer te rilruah cham reng se a duh thu Offier kalkhawm te hi a hrilh a ni.

He inkawmhona Addl. DC, Chuauhnuna kaihhruaiah hian Home Minister, Lalchamliana chuan, a hmuh ve chinah Officer inthlahdah deuh tak awm \hin mah se, Officer fel leh inpe zo em em tam tak a hmu \hin a, chung mite chuan a rilru an tilawm \hin tih a sawi a. Officer leh Minister te hnathawh ho kawngah MLA leh Minister te chu an lal a tawi zawk deuhva, an intithu deuh zawk fo tih sawiin, “Mipui lamin min nawr hi chuan han tihsak leh mai te kan chak mai \hin. Chutiang hun a lo awm changin Dan anga kalpui a ni em?  Dan in a phal em? tih thuah te a \ul anga inhrilh-hriat zel nise a \ha hle a. Inpawh takin, inhnaih takin hna i thawk ho ang u,” tiin a sawm a, “Ka ngaihdanah chuan Dan hi lal ber fo se, Rule of Law angin kal zel thei ila, ka duh ber fo a ni,” a ti bawk.

Home Minister chuan, Department leh department inkarah inhriatthiamlohna (rivalry) awm \hin chu tihbo theih nise a duh hle tih sawiin, chutihrualin Officer te chu an hnuaia thawkte enkawl kawngah mihring mihrinna zah tak chunga enkawl \ha a tih thu a sawi a. Zilh fo pawha awm \ha duh chuanglo te han hrem mai chu, a pawi lutuk pawhin a lang tawh lo a ni, a ti a. “Ram hnufuala kan buaipui lian ber pakhat Corruption thuah he sawrkar hi langtlang sawrkar, corruption awmlohna sawrkar nih tum tlat sawrkar a ni tih hi in rilruah cham reng se ka duh a ni,” tiin Officer kalkhawmte hi a chah a. “MLA leh Minister te nen bial kan enkawl ho dawn a, mipuiten mamawh an ngah em em bawk a, zawldawh taka lo dawng-sawng \hin turin ka ngen che u a ni,” tiin kal khawm te hi a chah bawk.

Officer kalkhawmte hmaa Home Minister in thu a sawi zawh hian he huna Officer kal-khawm te chu an ngaimawh zual sawina hun hawn sak an nih angin Serchhip District mipuite mamawh langsar leh lian tham tak tak Minister hnenah hian an sawilang hlawm a ni.