Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

CADC sawrkar thar lak lakluh a ni dawn

Chakma Autonomous District Council (CADC) Chief Executive Member (CEM) thar atan MNF MDC, Rasik Mohan Chakma chu dah a ni a, hemi chungchangah hian Mizoram Governor chuan hriattirna ti chhuakin, Inrinni (January 19, 2018) a\anga CEM hna hi chelh tura tih a ni a. CEM thar lakluh inkhawm hi Vawiin hian Kamalanagar-a CADC Rest House ah neih a ni ang.
CADC-ah hian MNF party in sawrkarna siam turin Zirtawpni khan Opposition Leader, Rasik Mohan Chakma chuan fiahna a paltlang a, Governor thupek anga CADC-a sawrkarna siam thei party an awm leh awmloh fiahna ah hian Rasik Mohan Chakma thlawp lamah MDC 11 in ban an phar a, CEM nilai Shanti Jiban Chakma lamah MDC pakhat chauh a phar a ni.
Tarlan tawh angin, CADC Thlasik \hutkhawm kar kalta a neih ah Thawhlehni khan CADC Chairman, Buddhalila Chakma chu No-Confidence Motion hmangin hnawl a ni a, a tuk Nilaini-ah CEM, Shanti Jiban Chakma pawh No-Confidence Motion hmang bawkin hnawl a ni ve leh a. Member 20 awmna CADC-ah hian Chairman leh CEM hnawl duhtu member 10 an awm a, member 1-in hnawl a duh lova, Chairman leh member 6-te erawh Motion bûk a nih lai hian House-ah an awm duhlo a ni.

Comments

Popular News (Last 30 Days)