Health Minister hovin \hukhawm

Health Minister, Dr. R. Lalthangliana hovin nimin khan Mizoram State Health Care Society (MSHCS) Governing Body \hutkhawm vawi 18-na chu Secretariat Conference Hall-ah neih a ni a, he hunah hian Mizoram State Health Care Scheme khawpui leh thingtlang lama huapzo zawka kalpui dan tur te, Mizoram State Health Care Scheme tana sum tam zawk dah te, Scheme hnuaia hnathawk ten 7th pay an dawn theihna tur te an rel a. Scheme changtlung zawka kenkawh dan tur te, damlo zin veivahna tur senso te, sawrkar Hospital bakah mimal Hospital pawhin an kalpui theih dan tur te sawiho a ni.

MSHCS hi April 2008 a\ang khan kalpui niin cheng nuai 3 thleng damlo inenkawl nan bill theih \hin a ni a. Kum 2018 October thla a\ang khan Ayushman Bharat Pradhan Mantri Jan Arogya Yojana nen chhunfin niin chhungkaw pakhat tan cheng nuai 5 thleng inenkawlna senso hi bill theih a ni a. AB-PMJAY hi khawsak harsa zawkte damloh nikhuaa inenkawlna atana duan a ni a. Sawrkar a\anga khawsak harsa zawkte chhawm-dawlna scheme a ni.