AVBD Serchhip Branch in lawmthu sawi

Association for Voluntary Blood Donation (AVBD) Serchhip Branch chuan thisen sawng-bawl man lak tihtawp chu lawmawm an tih thu sawiin, mipuite chu thisen pek uar deuh deuh turin an sawm.

Hemi chungchanga nimin a thu-chhuah an siamah AVBD Serchhip Branch chuan Mizoram sawrkara Council of Ministers meeting, January 10, 2019 (Ningani)-a Chief Minister, Zoramthanga kaihhruaia neih in Mizoram sawrkarin Thisen sawngbawlna senso phuhrûkna tura thisen hmangtute a\anga Blood Processing Fee, Thisen Unit khat zela Rs. 500/- a lak \hin titawp tura thutlukna a siam leh, thutlukna siam a\anga hman nghal tura a rel chu lawm-awm an ti takzet tih an tarlang a ni.

AVBD Serchhip Branch chuan Serchhip District Hospital Blood Bank chu Mizoram-a Blood Bank hrang hrang zingah thisen lakkhawm a\anga a thlawna pek dawng tam ber te zing ami kan nih mek thu pawh tarlangin, tlawmngaia thisen petu te zawng zawng chungah a tharin lawmthu an sawi a. Damlo thisen mamawh ten an mamawh hun ah tak thisen thianghlim leh enfiah sa an dawn theihna tura thisen pek uar zel turin pawl hrang hrang leh mimal tin te an sawm bawk.