AMC ten Plastic zirchiang

Aizawl Municipal Corporation (AMC) hnuaia Plastic Free Committee member pasarih (7) leh official 1 chuan January 14 a\anga 22 inkar chhung khan Bengaluru, Mysuru, Goa leh Kolkata te tlawhin plastic an hman leh tihral dan an zir-chiang.

AMC Councillor rual te hian January ni 15, 2019 khan Bengaluru Municipal Corporation a Mayor, Gangambike leh official te kawmin bawlhhlawh an sawngbawl dan leh plastic free a khawpui an puan dan te an zawtchiang a, hemi hnu hian an bawlhhlawh paihna hmunah kalin bawlhhlawh an sawngbawl dan an en leh. Bengaluru ah hian Plastic free an hman hi 60% vel a hlawhtling niin an hmu a, he khawpui hian nitin bawlhhlawh metric ton 3500 a\anga 4000 vel an paih \hin a ni.

AMC Councillor te hian January ni 17, 2019 khan Mysuru tlawhin Mayor, Pushpalatha Jaganatha te nen an inkawm leh a, plastic free ni turin kum 2016 a\angin bul an lo \an tawh tih sawiin, plastic zawng zawng erawh an khap (ban) lo tih sawiin, Mineral Water Bottle chu an khap ve lo a, hetihlai hian plastic erawh hmang lui an awm chuan Rs. 500 a\anga Rs. 10,000 te chawi tirin an dawr pawh an kharsak hial \hin niin an sawi.

January 18, 2019 khan Goa khawpui, Panaji tlawh lehin kum 2005 a\angin plastic free chu an kalpui niin an sawi a, plastic hmang lui chu Rs. 5000 an chawitir  bakah Hotel te chu an bawlhhlawh bawm an chhinchhiah vek a, \awih thei leh \awih thei lo  thliar hranglo te chu na takin an hrem \hin tih an sawi bawk. AMC a\anga Plastic free zirchiangtute hian January ni 21, 2019 khan Kolkata an tlawh leh a, nasa taka hma an la chungin bazar leh hmun tam takah polythene bag an la hmang a ni.

Nikum December 7-a AMC Board of Councillors Meeting chuan kumin Oct. 2 a\ang chuan Aizawl chu Plastic awmlohna khawpui, Plastic Free City-ah puan nise an lo ti tawh a ni.