School hrang hranga zirtirtu indaihlo lutuk siamrem a nih theih nan MZP in hma an la dawn

MZP General Hqrs. President, L. Ramdinliana Renthlei chuan kumin kumthar chho ah hian Mizoram Sawrkar enkawl School hrang hranga zirtirtu indaihlo lutuk siamrem a nih theih nan hma an la dawn tih a sawi.
Kumin atana MZP General Hqrs. Office, MZP Pisapui hawnna inkhawm nimin a neih ah MZP President, L. Ramdinliana Renthlei hian thu sawiin MZP in kumin a kn hmalak chhohna turah Mizoram Sawrkar enkawl School hrang hranga zirtirtu indaihlo lutuk siamrem a nih theih nan hma an la dawn tih sawiin, a bikin thingtlang lama zirtirtu nei tlem ten zirtirtu \hahnem zawk an neih theih nan hma an la dawn tih a sawi a. MZP chuan zirtirtu indaihlohna chu Zirtirtu neih tlem vangah an ngai lo tih sawiin, “Zirtirtu awmsa semrual loh vangah kan ngai a. Zirtirtu semrual a nih theih nan hma kan la dawn a ni,” a ti. MZP President chuan kan Pi leh Pu ten an thlah kalzel turte chenna atana an lo sahzauh sak sa, kan ram chu tunah hian kan chan zel nia sawiin, “Kan ramri humhalh a, kan ram chin dik tak kan neih letleh theih nan hma kan la chhunzawm zel dawn a. Hemi hmalakna atana pawimawh tak pakhat, Bairabi Zophai hmunah Zofate Chawlhbuk sak a nih theih nan kum a thar angin kan hmalakna kha kan chhunzawm thar leh dawn a ni,” a ti bawk.
Tunhnaia Mizo \halai \henkhat ten Festival phuahchawp, Korean Festival an lo hmang chu zahthlak a tih thu pawh sawiin MZP General Hqrs. President chuan mahni hnam hmuhsitna leh mahni hnam ngaihnepna a nih thu a sawi a. “Khawvelah hian mahni hnam nun zahpui leh mahni hnam zia ngainep te hi miropui an awm ngai lo a, hei hi hnam boral zia a ni. Hetiang hi Mizo zirlaite chu ching tawh lo turin leh ti tawh lo turin ka chah duh che u a ni,” a ti bawk.
MZP Vice President, B. Vanlaltana kaihhruai he hunah hian General Secretary, Lalnunmawia chuan kum 2018 chhunga an hmalakna hrang hrang leh kum 2019 atana an hmachhawp te a sawi a, MZP Adviser, Lalrokhuma chuan Sairang-a Rel lolut tur chu MZP ten an zirchian a ngai tih sawiin, “Hnamdang mi tam tak an lo lut dawn a ni. Chu chuan kan khawpuiah hian hnamdang tam tak a rawn chaw lut dawn a, hei hi MZP te chuan kan lo zirchiana, kan hnam kanhimna tur ngaihtuahin invenhimna dan kan ngaihtuah a, dan khauh taka kan lehkawh theih nan leh mumal taka a kal theih nan MZP ten hma kan lo la tur a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia