Latest News

Kum 2018 chhungin Serchhip District-ah Police ten thubuai 161 an ziaklut


Nikum 2018 chhung khan Serchhip District chhunga Police Station pathum- Serchhip, Thenzawl leh North Vanlaiphai Police Station-ah thubuai ziahluh 161 awmin heng zinga 138-ah te chuan Chargsheet thehluh fel a ni tawh a. Thubuai ziahluh zingah hian MLPC Act hnuaia thubuai ziahluh chu a tam ber a ni.

Serchhip Police hotute hnen a\anga thu kan dawn danin Serchhip District chhungah hian Police Station pathum (3) awmin heng Police Station pathum-ah hian kum kalta chhung khan thubuai chi hrang hrang 161 ziahluh niin heng te hi IPC hnuaiah 70 leh Non-IPC hnuaiah 91 a ni a. Heng thubuai 161 zinga 138-ah te chuan Police te hian Court-ah Chargesheet thehlut tawhin thubuai 60 te chu chinfel a ni tawh a. Thubuai 78 ngaihtuah mek niin thubuai dang 23 te chu Pending a ni rih thung.
Nikum chhunga Serchhip District chhunga IPC hnuaia thubuai ziahluh 70 zingah 49 te chu Chargesheet thehluh ni tawhin thubuai 49 te chu ngaihtuah mek a ni a, tunah hian IPC hnuaiah thubuai chhui lai Pending 21 a awm mek bawk. Nikum chhunga IPC hnuaia thubuai ziahluh ah hian rukruk kaihhnawih thubuai (Burglary & Theft) tam berin thubuai 39 ziahluh a ni a, pawngsual thubuai pawh 7 ngawt ziahluh a ni bawk. Heng bakah hian mi tihbuai thubuai 5 ziahluh niin lirthei chetsualna mihring nunna channa \um 3 leh nunna chan awmlohna \um 2 ziahluh a ni bawk. Heng bakah hian tualthah, tualthah tum, mi rukbo thubuai leh thubuai dang pakhat \heuh ziahluh a awm nual bawk.
Nikum chhung vek khan Serchhip District chhungah hian Non-IPC hnuaiah thubuai 91 ziahluh niin heng zinga 89-ah te chuan Chargesheet thehluh a ni tawh a, mi 60 te chu thiamloh chantir an ni tawh bawk. Non-IPC hnuaia thubuai ziahluh ah hian MLPC Act kaihhnawiha thubuai ziahluh tam berin thubuai 76 zet ziahluh a ni a, heng zinga 75-ah te chuan Chargesheet thehluh a ni tawh bawk.
Heng bakah hian ruihhlo dang kaihhnawi ha thubuai ziahluhna, ND&PS Act hnuaiah thubuai ziahluh 7 awmin 6-ah Chargesheet thehluh a ni tawh bawk a, hurherhna laka naupangte ven-himna Dan, POCSO Act hnuaiah thubuai 7 ziahluh niin heng ah te hian Chargesheet thehluh vek a ni tawh a, naupang pawikhawihte hremna dan, Juvenile Justice Act hnuaiah thubuai pakhat ziaklutin Chargesheet thehluh a ni tawh bawk.

Comments

Popular News (Last 30 Days)