Serchhip-ah National Girl Child Day, 2019 leh Beti Bachao Beti Padhao Week, 2019 hman a ni

Nimin khan Serchhip DC’s Conference Hall-ah National Girl Child Day, 2019 leh Beti Bachao Beti Padhao (BBBP) Week, 2019 hmanna a ruala buatsaih a ni a. Serchhip District Bawrhsap, Sangchhin Chinzah chuan khuallian niin he hun hi a hmanpui a ni.

National Girl Child Day, 2019 leh Beti Bachao Beti Padhao Week, 2019 puala inkhawm hi Serchhip District Addl. DC, Chuauhnuna chuan kaihruaiin Serchhip District Bawrhsap, Sangchhin Chinzah chuan India sawrkarin a mipuite tana hma a lakna \hatzia leh India mi kan nih avanga kan vanneih zia sawiin, kan nu ten min pai \an tirh a\anga kan puitlin thlengin \anpuina chi hrang hrang min pe a. Kan eizawnna kawngah pawh min umzui zel a, hmeichhiate phei chu nasa zawka duat leh venhim kan ni, a ti a. Beti Bachao, Beti Padhao programme chu Ministry of Women & Child Development in hmeichhe naupangte venhimna leh zirna lama tihhmasawnna atana District huapa hma a lakna programme a nih thu sawiin, he hmalakna atan hian Serchhip District chu thlan a nih angin tunah hian kawng hrang hranga hmalak mek a nih thu a sawi a ni. Bawrhsap chuan, fapate tih theih ang zawng zawng chu fanu ten an ti ve thei vek lo mai thei ang bawkin, fanute tih theih zawng zawng pawh fapa ten an ti thei vek bik chuang lo tih a sawi a, “Kan theihna hi Pathian min siam danah a inang vek lovang, amaherawh chu kan chanvo erawh chu a inang tlang a ni tih erawh kan hriatreng a \ha a ni,” a ti a. Fanute duata, venghima, zirna kawnga lo kaihhruai puitlin ngei tum turin nu leh pate a ngen bawk.
Khuallian District Bawrhsap hian BBBP hmanga Education Department nena \angruala hmalakna peng pakhat, naupang School chawl tawh, School lut leh tura sawm chhuah (re-enroll student) mi pasarih (7) hnenah leh a sawm lut lehtu zirtirtute hnenah lawmman a hlan nghal a ni.
He hunah hian BBBP Nodal Officer, H. Lalhruaitluanga, MCS in BBBP Serchhip District hmalakna hnuaia hnathawh tawh leh hmachhawp hrang hrangte a tarlang a. Chairman Chuauhnuna, Addl. DC kaihhruaina hnuaiah he ni hmang tura kalkhawm ten ‘fanu te’ duat taka enkawla zirna lama chher puitlin tum ngei tura intiamna an nei rual a, R. Vanrengpuia SDO (Sadar) in lawmthu sawina hun hmangin he hun hi a khar a ni.
National Girl Child Day, 2019 pual vek hian BBBP thawktuten School pathum, Presbyterian English School, Little Flower Convent School leh Chawngbuangi Memorial School ah te naupangte nen hun an hmang ho bawk a ni.

Comments

Popular News (Last 30 Days)

LPG man bithliah thar