Institute of Hotel Management (IHM) Building tlawh

Tourism Minister, Robert Romawia Royte chuan nimin khan Bung Bangla a Institute of Hotel Management (IHM) Building tlawhin Institute of Hotel Management kalpui dan tur a enfiah.

Ministry of Tourism, Government of India a\anga sum hmuh cheng vbc. 10 senga sak Institute of Hotel Management, Bung Bangla ami hi kum 2009 a\ang khan sak niin kum 2013 khan sak zawh tawh ni mahse tunah hian a nihna tur anga kalpui ala ni lova, Tourism Minister, Robert Romawia chuan hei hi sawrkar thar in a ngaihpawimawh thu leh a nihna ang taka hman thuai sawrkar in a tum thu a sawi a. Institute of Hotel Management (IHM) hi sawrkar laipui hnuaia awm tur ni mahse Mizoram sawrkar in thuneihna a nei dawn tih sawiin, IHM hi a taka kalpui anih chuan Hotel Management Map-ah Mizoram a lang ve tawh dawn a, Mizo \halai ten kan ram chhung ngei ah Hotel Management leh Tourism lam an zir thei dawn a ni, a ti.

Tarlan tawh angin Tourism Minister, Robert Romawia Royte hian tun thla ni 14 khan Yogendra Tripathi, Union Secretary, Ministry of Tourism chu kawmin Institute of Hotel Management chungchang hi a sawipui bakah Furniture leh Equipments leina tur cheng nuai 200 a dil a, Institute of Hotel Management chu rampum tan a pawimawh avangin cheng nuai 200 chu an release thuai tur thu Tourism Minister hi an lo hrilh a. He Institute-ah hian zirlai 100 tan Hotel Management Degree course a zir theih dawn bakah Zirlai 150 tan Tourism Diploma Course a zir theih bawk anga. He Institute hi National Council For Hotel Management and Catering Technology vilna hnuaia enkawl tur niin, Common Entrance Test hmangin Degree Course zirtur tan admission a tihtheih dawn a ni.