ICDS hnuaia CDPO ten General Conf. nei

Mizoram-a ICDS Child Development Project Officer (CDPO) Association (MCDPOA) Annual General Conference vawi 23-na chu nimin khan White Stone Conference Hall, Aizawl-ah neih niin he hun hi Social Welfare Minister, Dr. K. Beichhua chuan Khuallian niin a hmanpui.

He hunah hian Dr. K. Beichhua chuan Social Welfare Department, a bik takin CDPO ten mawhphurhna sang tak an nei tih sawiin, CDPO-te chuan nausen a\anga kum upa tak tak thleng ham\hatna an ngaih pawimawh \hin thu a sawi a. CDPO hna, midang tana inpekna chu hna ropui tak a nih thu sawiin, “Kan enkawlte hi ngaihtuah chiang ila, nu pum chhunga awm naute leh pianphunga rualbanlo thlengin kan buaipui a, kan hna hi dawngdah taka thawh mai mai theih a ni lo,” tiin \hahnemngai taka thawk turin kalkhawmte chu a fuih bawk. Mizoram-ah hian Integrated Child Development Services (ICDS) Project 27 awmin heng project hi CDPO ten an kalpui a. District hrang hrang a\angin CDPO 19 an tel a ni.